آپ صَلَّی اللہُ عَلَیْہِ وَ آلِہٖ وَ سَلَّم نے کچھ دِن غارِ حرا میں قیام فرمایا، یہاں اللہ پاک کی یاد اور عِبَادت میں مَصْرُوف رہے، پھر گھر تشریف لے آئے، مسلمانوں کی پیاری اَمّی جان حضرت خدیجہ رَضِیَ اللہُ عنہا   نے پھِر کھانے پینے کا کچھ سامان باندھ دیا، آپ صَلَّی اللہُ عَلَیْہِ وَ آلِہٖ وَ سَلَّم پِھر غارِ حرا میں تشریف لے گئے۔ کافِی دِن یہی سلسلہ رہا۔

یہ رمضانُ المبارک کی ایک رات تھی، پیارے نبی، مکی مدنی صَلَّی اللہُ عَلَیْہِ وَ آلِہٖ وَ سَلَّم غارِ حرا میں ہی تشریف فرما تھے کہ اللہ پاک کے حکم سے حضرت جبریلِ امین عَلَیْہ ِالسَّلام   پہلی وحی لے کر حاضِر ہوئے۔^([1])

سُبْحٰنَ اللہ! یہی شانِ پاک ہے، جس کا یہاں ذِکْر ہوا:

z'OQûh4\66

(پارہ:30، الضحیٰ:7)                                                                                                                      تَرْجمۂ کَنْزُالعِرْفان:اور اس نے تمہیں اپنی محبت میں گم پایا تو اپنی طرف راہ دی۔

اللہ پاک اپنے محبوبِ ذیشان صَلَّی اللہُ عَلَیْہِ وَ آلِہٖ وَ سَلَّم  کے صدقے ہم گنہگاروں کو بھی اپنی محبّت و اُلفت نصیب فرمائے۔

محبتِ اِلٰہی پانے کے نسخے

والِدِ اعلیٰ حضرت مولانا نقی علی خان رَحمۃُ اللہِ عَلَیْہ کے فرمان کا خُلاصہ ہے:جو محبتِ اِلٰہی کا طلب گار ہے، اپنے دِل کو باطنی بیماریوں سے پاک کرے، اللہ پاک نے چاہا تو اسے اپنی محبت سے نواز دے گا۔ مزید فرماتے ہیں: 9چیزیں ہیں، جو محبتِ اِلٰہی حاصِل کرنے میں مددگار ہیں:(1):ہمیشہ باوُضُو رہنا کہ اس سے دِل روشن ہوتا ہے (2):خلوت (یعنی گوشہ