ابو مظفر رَحمۃُ اللہِ عَلَیْہفرماتےہیں: مجھے یہ کتاب بڑی پسند تھی اس لئے اِسے دھونے کو میرا دل نہ مانا۔میں نے اپنے دل ہی دل میں سوچا کہ آیندہ اس کتاب کو لے کر  آپ رَحمۃُ اللہِ عَلَیْہ  کی بارگاہ میں نہیں آؤں گا، کتاب گھر رکھنے جانے کے ارادے سے جب میں اُٹھنے لگا تو مجھ سے اُٹھا نہ گیا۔

غوثِ پاک رَحمۃُ اللہِ عَلَیْہ نے فرمایا: یہ کتاب مجھے دے دو۔ میں نے کتاب آپ کو دینے سے پہلے اُسے کھول کر دیکھا تو اُس کے صفحات یوں صاف ہو چکے تھے کہ  اُن پر ایک بھی لفظ باقی نہ بچا، میں نے وہ کتاب غوثِ پاک رَحمۃُ اللہِ عَلَیْہ کو دے دی، آپ رَحمۃُ اللہِ عَلَیْہاس کو دیکھنے لگے ؛فرمایا:اِ س کتاب میں تو قرآن کریم کے فضائل  لکھے ہوئے ہیں، جب میں نے کتاب کو پکڑ کر دیکھا تو واقعی اس میں قرآن کریم کے فضائل بڑے ہی خوشخط طریقے سے لکھے ہوئے تھے۔اس کے بعد فرمایا: جس کام کو کرنے کا پکّا ارادہ نہ ہو مگر زبان سے اس کو کرنے  کی نیت کرنے سے توبہ کرتے ہو؟میں نے عرض کیا :جی میں توبہ کرتا ہوں۔

شیخ ابو مظفر رَحمۃُ اللہِ عَلَیْہ  فرماتے ہیں:اس کتاب کے جتنے مسائل مجھے یاد تھے میں سارے کے سارے بھول  گیا، ایسا بھولا کہ جیسے کبھی پڑھے ہی نہ تھے۔^([1])

بندہ قَادِر کا بھی، قادربھی ہے عَبْدُالقَادِر             سِرِّ باطن بھی ہے ظاہِر بھی ہے عَبْدُالقَادِر

مفتئ شرع بھی ہے، قاضِئ ملّت بھی ہے  عِلْمِ اَسْرار سے ماہِر بھی ہے عَبْدُالقَادِر

ذی تَصَرُّف بھی ہے مَاذُوْن بھی مختار بھی ہے     کارِ عالَم کا مُدَبِّر بھی ہے عَبْدُالقَادِر^([2])

****

ہیں  پیرِ پیراں!                                        غوثِ پاک                                    ہیں میرِ میراں!                                         غوثِ پاک