بیڑا تباہی میں آ گیا ہے                                                                                                       دے        دے          سہارا          نامِ           مُحَمَّد^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

قَالَ اللہُ تَبَارَکَ وَ تَعَالٰی فِی الْقُرْآنِ الْکَرِیْم(اللہ پاک قرآنِ کریم میں فرماتا ہے):

وَ ظَلَّلْنَا عَلَیْكُمُ الْغَمَامَ وَ اَنْزَلْنَا عَلَیْكُمُ الْمَنَّ وَ السَّلْوٰىؕ-كُلُوْا مِنْ طَیِّبٰتِ مَا رَزَقْنٰكُمْؕ-وَ مَا ظَلَمُوْنَا وَ لٰكِنْ كَانُوْۤا اَنْفُسَهُمْ یَظْلِمُوْنَ(۵۷) (پارہ:1، البقرۃ:57)

صَدَقَ اللہُ الْعَظِیْم وَ صَدَقَ رَسُوْلُہُ النَّبِیُّ الْکَرِیْم صلّی اللہ  عَلَیْہِ وَ آلِہٖ وَسَلَّم

تَرْجَمَۂ کَنْزُالْعِرْفَان:اور ہم نے تمہارے اُوپر بادَل کو سایہ  بنا دیا اور تمہارے اُوپر مَنْ  اور سَلْویٰ اُتارا (کہ ) ہماری دی ہوئی پاکیزہ چیزیں کھاؤ اور اُنہوں نے ہمارا کچھ نہ بگاڑا بلکہ اپنی جانوں پر ہی ظلم کرتے رہے۔

پیارے اسلامی بھائیو! ہم نے پارہ:1، سورۂ بقرہ کی آیت: 57 سُننے کی سعادت حاصِل کی، اِس آیتِ کریمہ میں ایک حیرت انگیز اور سبق آموز واقعہ بیان ہوا ہے، آئیے! پہلے واقعہ سُنتے ہیں، پِھر آیت کی وضاحت اور اِس سے ملنے والے سبق سیکھیں گے۔

حیرت کا میدان

واقعہ یُوں ہے کہ جب فِرعون غَرق ہو گیا، مِصْر پر بنی اسرائیل غالِب آ گئے، اَب یہ آزادی کے ساتھ یہاں رہنے لگے۔

یہ بات یاد رکھئے کہ بنی اسرائیل کا جو اَصْل مُلْک تھا، وہ مُلْکِ شام اور اَرْضِ مُقَدَّس (یعنی