فاطمہ اور علی!                                                جنّتی جنّتی                                               ہیں حَسَن حُسین بھی!                                           جنّتی جنّتی

والدینِ نبی!                                                       جنّتی جنّتی                                               ہر زوجۂ نبی!                                                                              جنّتی جنّتی

80 کوڑوں کی سزا

جنّتی صحابی حضرت عَلْقَمہ رَضِیَ اللہُ عنہ فرماتے ہیں: ایک بار مسلمانوں کے چوتھے خلیفہ حضرت علی رَضِیَ اللہُ عنہ کو خبر ملی کہ کچھ لوگ انہیں حضرات شَیْخَیْن (حضرت ابو بکر و عمر رَضِیَ اللہُ عنہما) سے اَفْضَل بتاتے ہیں۔ یہ سُن کر مولا علی رَضِیَ اللہُ عنہ منبر پر جلوہ فرما ہوئے (یعنی مولا علی رَضِیَ اللہُ عنہ کی نگاہِ پاک میں یہ کوئی معمولی مسئلہ نہیں تھا کہ اسے 4لوگوں میں بیان کر دیا جاتا، یہ بہت اَہَم بات تھی، اس لئے آپ اِعْلانیہ طَور پر، سب کے سامنے منبر پر تشریف لائے اور) اللہ پاک کی حمد و ثنا کرنے کے بعد فرمایا: اے لوگو! مجھے خبر ملی ہے کہ کچھ لوگ مجھے اَبُو بکر و عمر (رَضِیَ اللہُ عنہما) سے اَفْضَل کہتے ہیں، اگر میں نے اس بارے میں پہلے حکم سُنا دیا ہوتا تو بےشک میں ایسا کہنے والوں کو سزا دیتا، آج سے جو کوئی ایسا کہے وہ اِلْزام لگانے والا ہے، آج کے بعد میں جسے ایسا کہتے سُنوں گا، اُسے اِلْزام تراشی کی سزا (یعنی 80 کوڑے) لگواؤں گا۔ پھر فرمایا: بےشک نبئ رحمت، شفیعِ اُمَّت صَلَّی اللہُ عَلَیْہِ وَ آلِہٖ وَسَلَّم کے بعد اُمَّت میں سب سے اَفْضَل اَبُو بکر صِدّیق ہیں، اُن کے بعد حضرت عمر فاروق رَضِیَ اللہُ عنہما۔ ^([1])

علی ہیں اُس کے دُشمن اور وہ دُشمن علی کا ہے   جو     دشمن     عقل     کا،     دشمن     ہوا     صدیقِ     اکبر      کا ^([2])

مَولیٰ علی نے اِصْلاح فرما دی

حضرت اَبُو جُحَیْفَۃ رَضِیَ اللہُ عنہ صحابئ رسول ہیں آپ حضرت مَولا علی رَضِیَ اللہُ عنہ کے