یہ آیتِ کریمہ نازِل ہونے کے بعد اللہ پاک کے پیارے اور مَحْبُوب نبی  صَلَّی اللہُ عَلَیْہِ وَ آلِہٖ وَسَلَّم  نے فرمایا: اے سَلْمان...!! یہ آیت اُن راہبوں سے متعلق ہے، اُن میں سے وہ جو حضرت عیسیٰ  عَلَیْہِ السَّلَام  پر اِیمان رکھتے تھے اور اُن تک میرا پیغام نہ پہنچا، وہ تو خیر پر ہیں مگر جنہوں نے میرا نامِ پاک سُنا، پِھر اِیمان نہ لائے، وہ ہلاک ہو گئے۔^([1])

اللہُ اکبر! پیارے اسلامی بھائیو! اِس سے معلوم ہو گیا کہ جب پیارے نبی، آخری نبی، مکی مَدَنی، مُحَمَّدِ عربی  صَلَّی اللہُ عَلَیْہِ وَ آلِہٖ وَسَلَّم  تشریف لے آئے، اُس کے بعد سے قیامت تک کوئی بھی دِین، کوئی بھی ہدایت، کوئی بھی نظریہ قابِلِ قبول نہیں ہے، صِرْف وصِرْف دِین مصطفےٰ یعنی دِینِ اِسلام ہی راہِ نجات ہے۔

مومن اُن کا کیا ہوا اللہ اُس کا ہو گیا

کافر اُن سے کیا پِھرا اللہ ہی سے پھر گیا

وہ کہ اُس دَر کا ہوا، خلقِ خُدا اُس کی ہوئی

وہ      کہ     اُس     دَر     سے     پِھرا،     اللہ     اُس     سے     پِھر     گیا^([2])

وضاحت:مؤمن جب مَحْبُوب  صَلَّی اللہُ عَلَیْہِ وَ آلِہٖ وَ سَلَّم  کا غُلام ہوا تو اللہ پاک کا پیارا ہو گیا، غیر