Book Name:Shan e Ameer Hamza
نماز ادا کی، منتظر تھے کہ نیک بزرگ بھی آتے ہی ہوں گے مگر وہ تشریف نہ لائے، شیخ احمد رحمۃُ اللہِ علیہ فرماتے ہیں: میں نے انہیں بہت تلاش کیا مگر کہیں نہ ملے، آخر میں شیخ صَفِیُ الدِّین رحمۃُ اللہِ علیہ کی خدمت میں حاضِر ہوا اَور سارا واقعہ عرض کیا۔ شیخ صَفِیُ الدِّین رحمۃُ اللہِ علیہ نے اُن بزرگ کے حلیہ شریف کے بارے میں سُن کر فرمایا: وہ نیک بزرگ کوئی اور نہیں بلکہ رسولِ اکرم، نورِ مُجَسَّم صَلَّی اللہُ عَلَیْہِ وَ آلِہٖ وَسَلَّم کے چچا جان حضرت امیرِ حمزہ رَضِیَ اللہُ عنہ ہی تھے جو آپ کی پریشانی دُور کرنے کے لئے تشریف لائے تھے۔([1])
سرکار کے ہیں دِلبر آقا امیرِ حمزہ! ہیں مُحِبِّ حَبِیْبِ داوَر آقا امیرِ حمزہ!
بھرتے ہیں سب کا دامن اللہ کی عطا سے آ جائے جو بھی در پر آقا امیرِ حمزہ!
بھر دیجئے مری جھولی، صدقے میں مصطفےٰ کے آیا ہوں تیرے در پر آقا امیرِ حمزہ!
طیبہ میں مَیْں بھی آؤں، اب دیجئے اجازت میرے غریب پرور آقا امیرِ حمزہ!
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
شیخ سعید بن قُطْب رحمۃُ اللہِ علیہ حضرت امیر حمزہ رَضِیَ اللہُ عنہ کے مزار مبارک پر کثرت سے حاضِری دیا کرتے تھے۔ عموماً مدینۂ منورہ کے رہنے والے عاشقانِ رسول 12 رجب کو حضرت امیر حمزہ رَضِیَ اللہُ عنہ کے مزار مُبارَک پر حاضِری دیتے تھے مگر حضرت سعید بن قطب رحمۃُ اللہِ علیہ کچھ دِن پہلے ہی حاضِر ہو جاتے اور 12 رجب تک وہیں ٹھہرے رہتے تھے۔ شیخ محمد بن عبدُ اللطیف مالکی رحمۃُ اللہِ علیہ فرماتے ہیں: ایک روز میں بھی شیخ سعید رحمۃُ اللہِ علیہ