قبض ہو رہی ہوتی ہے تو ساتھ ہی اسے جنّت کی خوشخبری سُنا دی جاتی ہے۔ سُبْحٰنَ اللہ!اس سے معلوم ہوا؛ اللہ پاک کی رضا میں راضِی رہنا بہت اعلیٰ وَصْف ہے۔

جنّت میں لے جانے والے 3 اعمال

حضرت اَبُو سعید خُدری   رَضِیَ اللہُ عنہ   صحابئ رسول ہیں، آپ فرماتے ہیں: ایک دِن اللہ پاک کے آخری نبی، رسولِ ہاشمی، مکی مدنی، مُحَمَّدِ عربی   صَلَّی اللہُ عَلَیْہِ وَ آلِہٖ وَسَلَّم   نے میرا ہاتھ پکڑا اور فرمایا: یَا اَبَا سَعِیْدٍ ثَلَاثَۃٌ مَنْ قَالَہُنَّ دَخَلَ الْجَنَّۃَ یعنی اے ابو سعید! 3چیزوں کا جو اقرار کرے، وہ جنّت میں داخِل ہو گا۔ حضرت اَبُو سعید خُدری   رَضِیَ اللہُ عنہ   فرماتے ہیں: میں نے عرض کیا: یارسولَ اللہ   صَلَّی اللہُ عَلَیْہِ وَ آلِہٖ وَسَلَّم  ! وہ 3چیزیں کونسی ہیں؟ فرمایا: مَنْ رَضِیَ بِاللہِ ربًّا وَّ بِالْاِسْلَامِ دِیْناً وَّ بِمُحَمَّدٍ رَسُوْلًا (1):یعنی جو اللہ پاک کے رَبّ ہونے (2):اسلام کے دین ہونے اور (3): مُحَمَّد (  صَلَّی اللہُ عَلَیْہِ وَ آلِہٖ وَسَلَّم  ) کے رسول ہونے پر راضِی ہو جائے۔^([1])

ایک روایت کے الفاظ یہ ہیں: وَجَبَتْ لَہٗ الْجَنَّۃُیعنی جو بندہ اللہ پاک کے رَبّ ہونے، اسلام کے دین ہونے اور مُحَمَّد (  صَلَّی اللہُ عَلَیْہِ وَ آلِہٖ وَسَلَّم  ) کے رسول ہونے پرراضی ہو جائے، اس کے لئے جنّت واجب ہو جاتی ہے۔^([2])

تاج و تخت و حکومت مت دے                                                  کثرتِ مال و دولت مت دے

اپنی رِضا کا دیدے مژدہ                                                                                                    یااللہ!    مِری    جھولی     بھر        دے^([3])