کے بہت فائدے ہیں۔

(1):مثبت سوچ ملتی ہے

جدید سائیکالوجی (عِلْمِ نفسیات) کے مطابق دُنیا کے کسی بھی کام میں کامیابی، ترقی اور عُرُوج کے لئے ایک انسان کے اندر جو صِفَات ہونا ضروری ہے، ان میں سے ایک اَہَم اور بنیادی صِفَّت یہ ہے کہ بندہ مثبت سوچ کا مالِک ہو۔منفی سوچ رکھنے والا اَوَّل تو کامیاب ہی نہیں ہوتا، اگر اسے کامیابی مِل بھی جائے تو وہ اپنی کامیابی کو سنبھال نہیں پاتا۔اس لئے مثبت سوچ ہونا دُنیا میں کامیابی کے لئے بنیادی شرط ہے۔

اچھی نیت  کا اَہَم ترین فائدہ یہ ہے کہ اچھی نیتوں کی عادَت کی برکت سے مثبت سوچ نصیب ہو جاتی ہے۔اچھی نیت اَصْل میں ہے کیا؟ اچھی نیت کسی بھی کام کے ساتھ مثبت وابستگی ہے۔ہم کوئی بھی کام کرنے سے پہلے اُس کام کا کوئی اچھا پہلو تلاش کرتے ہیں، پھر اس اچھے پہلو کو ذِہن میں لا کر ، اس اچھے پہلو کواپنا مقصد بنا کر وہ کام کرتے ہیں۔ یہی مثبت سوچ ہے۔

مثال کے طَور پر ایک بچہ ہے، وہB.A / M.A / PHDوغیرہ کرنا چاہتا ہے مگر اس کے والدَیْن اسے دَرْسِ نظامی (یعنی عالِم کورس) میں داخِل کروا دیتے ہیں، اب ایسی صُورتِ حال میں عام طَور پر بچے والدَین کے سامنے مجبور ہو کر وہ کام تو کرتے ہیں مگرذِہنی طَور پر باغی رہتے ہیں، ٹائِم پاس کرتے ہیں اور دِل لگا کر پُوری محنت نہیں کر پاتے، اگر وہ بچہ ایک اچھی نیت کر لے کہ میں اپنے والدَین کی اِطَاعت کرتے ہوئے، انہیں خوش کر کے اللہ پاک کی رضا پانے کے لئے دَرْسِ نظامی کرتا ہوں۔ یہ ایک اچھی نیت اس کو مثبت بنا دے گی، اس کا پُورا مائنڈ سیٹ بدل جائے گا، اب اس کا پڑھائی میں دِل بھی لگے گا، شوق بھی پیدا ہو جائے