چند مزید نیک اَعْمَال کے دُنیوی فائدے

اے عاشقانِ رسول!اسی طرح  72 نیک اَعْمَال میں بقیہ جو نیک اَعْمَال ہیں ان کے بھی بہت فائدے اور برکتیں ہیں، مثلاً *نیک عمل نمبر21 ہے: کیا آج آپ نے فجر کے لئے جگایا؟ اس نیک کام پر عَمَل کی برکت سے صبح صبح پیدل چلنے کا موقع ملتا ہے، جس کی برکت سے صحت اچھی رہتی ہے*پیدل چلنا مختلف قسم کی بیماریوں (ہارٹ اٹیک Heart Attack، فالج، لقوہ، دماغی اَمراض، ہاتھ پاؤں اور بدن کا درد، زَبان اور گلے کی بیماریاں،منہ کے چھالے،سینے اور پھیپھڑے کے اَمراض، سینے کی جلن، شوگر، ہائی بلڈ پریشر، جگر اور پِتّے کے اَمراض وغیرہ) سے بچاتا ہے*اس سے وَزْن اعتدال میں رہتا*ہڈیاں مضبوط ہوتی اور *تمام اَعْضَا بہتر طور پر کام کرتے ہیں۔ ^([1])

*نیک عمل نمبر 31 کے مطابق مِسْواک کی عادَت بنانے کی بھی بہت برکتیں ہیں۔ سائنسی تحقیق (Research)کے مُطابِق مِسْوَاک کے ریشے بیکٹیریا کوچُھوئے بغیر براہِ راست خَتْم کر دیتے ہیں اور دانتوں کو کئی بیماریوں سے بچاتے ہیں۔یہ دانتوں اور منہ کی صفائی اورمسوڑھوں کی صِحَّت کا بہترین ذریعہ ہے۔ امریکا میں دانتوں سے متعلق ہونے والی ایک نشست میں بتایا گیا کہ مِسْوَاک میں ایسے مادّے  (Substances) ہوتے ہیں جو دانتوں کو کمزوری سے بچاتے ہیں اور وہ تمام دوائیں جو دانتوں کی صَفائی میں استعمال ہوتی ہیں،ان سب سے زِیادَہ فائدہ مند مِسْوَاک ہے۔^([2])