Book Name:Seerat-e-Data Ali Hajveri
فرمانِ مصطفےٰ صَلَّی اللہُ عَلَیْہِ وَاٰلِہٖ وَسَلَّم : اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ([1]) اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاًنیت کیجئے! * عِلْم سیکھنے کے لئے پورا بیان سُنوں گا * بااَدب بیٹھوں گا * دورانِ بیان سُستی سے بچوں گا * اپنی اِصْلاح کے لئے بیان سُنوں گا * جو سُنوں گا دوسروں تک پہنچانے کی کوشش کروں گا۔
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
پیارے پیارے اسلامی بھائیو!آج ہم ایک ایسی عظیم ہَستی کے مُتعلِّق بیان سُننے کی سعادت حاصل کریں گے کہ جن کی وَجہ سے اسلام کی عِزَّت ، شان وشوکت اورقُوَّت میں اِضافہ ہوا ، جنہوں نے سَخاوت کے دریا بہا دئیے ، جن کا فیضان کئی صَدیاں گزرجانے کے باوجود آج بھی جاری وساری ہے ، جن کے مزارِ پُر انوار پرہر وَقْت عاشقانِ رسول ، عاشقانِ صحابہ و اہلبیت اورعاشقانِ اولیاء کا ہجوم رہتا ہےجوحاضر ہوکر اپنی مُنہ مانگی جائز مُرادیں پاتے ہیں ۔ یہ اَہَم شَخصیَّت کون تھی ؟ان کا نام ونَسب ، کُنیَّت ولَقب کیا تھا؟یہ بھی سُنیں گے ، نیز آپ رَحْمَۃُ اللّٰہ عَلَیْہ کی ایک بہت ہی پیاری خُوبی “ شوقِ علمِ دِین “ کے بارے میں بھی مدنی پھول سنیں گے اوران مدنی پھولوں کو اپنے دِل کے مدنی گلدستے میں سجاکران پر عمل کی بھی کوشش کریں گے۔ اِنْ شَآءَ اللہ
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
نبیِ کریم ، رؤف رحیم صَلَّی اللہُ عَلَیْہِ واٰلِہٖ وَسَلَّمَ کے وصالِ ظاہری کے بعداَہلِ بَیْتِ اَطہار وصحابَۂ