ٿو)۔ پوءِ ٻانهو پڙهي ٿو:

اِهْدِنَا الصِّرَاطَ الْمُسْتَقِیْمَۙ(۵) صِرَاطَ الَّذِیْنَ اَنْعَمْتَ عَلَیْهِمْ ﴰ غَیْرِ الْمَغْضُوْبِ عَلَیْهِمْ وَ لَا الضَّآلِّیْنَ۠(۷)

(پاره:1،سورت فاتحه:5تا7)

ترجموڪنزُ العرفان: اسان کي سڌي رستي تي هلاءِ. انهن ماڻهن جو رستو جن تي تو احسان ڪيو. نه انهن جو رستو جن تي غضب ٿيو نه گمراهن جو.

الله پاڪ فرمائي ٿو: هي منهنجي ٻانهي جي لاءِ آهي ۽ منهنجي ٻانهي جي لاءِ اهو ئي آهي جنهن جو ان سُوال ڪيو۔^([1])

سُبْحٰن الله! پيارا اسلامي ڀائرو! غور فرمايو! هي ڪيتري عظيم فضيلت آهي۔ سورت فاتحه جون 7 آيتون آهن، ٻانهو هڪ هڪ آيت پڙھندو ويندو آهي، الله پاڪ ان کي ٻڌندو به آهي ۽ هر هر آيت تي جواب به عطا فرمائيندو آهي۔ علَّامه اِبنِ رجب حنبلي رَحۡمَةُ اللهِ عَلَيۡه فرمائن ٿا: هي (يعني ٻانهي جو سورت فاتحه پڙھندو وڃڻ ۽ الله پاڪ جو جواب عنايت فرمائڻ، هي) سورت فاتحه جي خاص فضيلت آهي جيڪا هن کان عِلاوه ڪنهن سُورت جي نه آهي۔^([2])

سورت الفاتحه جي مضمونن جو بيان

پيارا اسلامي ڀائرو! سورت فاتحه اها عظيم سورت آهي جو ان جي صرف 7 آيتن ۾ پُوري قرآنِ ڪريم جو خلاصو بيان ڪيو ويو آهي بلڪ حديثِ پاڪ ۾ آهي: جنهن سورت فاتحه جي تِلاوت ڪئي اهو ايئن آهي جيئن ان تورات، زبور، انجيل ۽ قرآنِ پاڪ (يعني چئن وڏن آسماني ڪتاب) جي تلاوت ڪئي۔^([3])

امام حسن بصري رَحۡمَةُ اللهِ عَلَيۡه کان روايت آهي: الله پاڪ 104 صحيفا نازِل