مجھے عُمرہ شریف کرنے کا شَرَف ملا ، وہاں قُصُور (  پنجاب ، پاکستان )  کے ایک قاری صاحِب سے ملاقات ہوئی ، اُنہوں نے بتایا میں نےدعوتِ اسلامی کے عاشِقانِ رسول کے ساتھ 3 دن کے مَدَنی قافِلے میں سفر کی سعادت حاصِل کی اور وہاں خوب رو رو کر مدینۂ منوّرہ کی حاضِری کےلئے دُعا مانگی ۔ اَلْحَمْدُ للّٰہ ! مدنی قافلے میں مانگی ہوئی دُعا قبول ہوئی اور میرے مدینہ شریف حاضِری کے اسباب ایسی جگہ سے بنے ، جہاں سے مجھے گمان بھی نہ تھا۔  ^{( [1] )}

مانگو آ کر دُعا پاؤ گے مُدَّعا                                                                                                   در کرم کے کھلیں  قافلے میں چلو !

گر مدینے کا غم ، چاہئے چشمِ نَم                                                               لینے یہ نعمتیں قافِلے میں چلو !

صَلُّوْا عَلَی الْحَبیب !                                                                      صَلَّی اللّٰہُ عَلٰی مُحَمَّد

مدنی قاعِدہ ( Madani Qaida )  موبائِل ایپلی کیشن

پیارے اسلامی بھائیو !  قرآنِ کریم کا فیضان عام کرنے کے لئے دعوتِ اسلامی کے I.T ڈیپارٹمنٹ نے ایک موبائِل ایپلی کیشن جاری کی ہے ، جس کا نام ہے : مدنی قاعِدہ   ( Madani Qaida ) ۔ اس ایپلی کیشن میں مکمل مدنی قاعِدہ اور اس کی آڈیو   ( Audio )  شامِل کی گئی ہے یعنی اس ایپلی کیشن میں آپ مدنی قاعدے کے جس حرف یا جس لفظ پر کلک  ( Click ) کریں گے ، آڈیو  ( Audio )  میں اس کا تَلَـفُّـظْ چلے گا ، یُوں اس ایپلی کیشن کی مدد سے آسانی کے ساتھ مدنی قاعِدہ پڑھ کر ، اس کی مشق  ( Practice ) کر کے دُرُست مخارج اور ضروری تجوید سیکھی جا سکتی ہے۔یہ ایپلی کیشن اپنے اسمارٹ فون میں انسٹال کر لیجئے ، خود بھی فائدہ اُٹھائیے اور دوسروں کو بھی ترغیب دلائیے۔

صَلُّوْا عَلَی الْحَبیب !                                                                      صَلَّی اللّٰہُ عَلٰی مُحَمَّد