اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یا رسول اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                        وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف                                    ( ترجمہ : میں نے سُنَّت اعتکاف کی نِیَّت کی )

درودِ پاک کی فضیلت

پیارے اسلامی بھائیو ! الحمد للہ ! کَثْرَت سے درود شریف پڑھنے کے بےشُمار   فضائل و برکات ہیں ، اس کی برکت سے مشکلیں حل ہوتی ہیں ، رزق میں برکت ہوتی ہے ، تنگدستی دُورہوتی ہے ، دُنیا اور آخرت کی بھلائیاں نصیب ہوتی ہیں ، نزع میں ، قبر میں ، حشر میں ، پُل صِراط پر آسانیاں ملتی ہیں ، الغرض؛ دُنیا اور آخرت کی بھلائیاں درودِ پاک میں رکھ دی گئی ہیں ، اس لئے ہمیں چاہئے کہ کَثْرت کے ساتھ درود شریف پڑھاکریں۔

سیدی اعلیٰ حضرت امامِ اہلسنت شاہ امام احمدرضاخان  رَحمۃُ اللہ علیہ لکھتے ہیں : مسلمانوں کے چوتھے خلیفہ حضرت علی المرتضیٰ شیرِ خُدا رَضِیَ اللہ عنہ یُوں درود شریف پڑھا کرتے تھے :

اَللّٰہُمَّ اجْعَلْ شَرَائِفَ صَلَوٰتِکَ وَ نَوَامِیَ بَرَکَاتِکَ وَ رَافِعَ تَحِيَّتِکَ عَلٰی مُحَمَّدٍ عَبْدِکَ وَ رَسُوْلِکَ الْخَاتَمِ لِمَاسَبَقَ وَ الْفَاتِحِ لِمَا اَغْلَقَ

ترجمہ : اے اللہ پاک ! اپنی بہترین درودَیں ، بڑھتی ہوئی برکتیں اور بلند سلامتیاں نازِل فرما اپنے محبوب نبی حضرت مُحَمَّد صَلَّی اللہ عَلَیْہِ وَ آلِہٖ وَ سَلَّم پر جو تیرے بندے اور رسول ہیں ، پچھلے نبیوں کے خاتم  ( یعنی آخری نبی )  اور مشکلات کو کھولنے  ( یعنی حل فرمانے )  والے ہیں۔ ^{( [1] )}