30 جھوٹے نبی

اے عاشقانِ رسول ! الحمد للہ ! عقیدۂ ختمِ نبوت بالکل واضِح اور صاف صاف عقیدہ ہے ، ان تمام دلائل سے واضِح ہو گیا کہ زمین وآسمان کی پیدائش سے پہلے سے لے کر اب تک ہر زمانے میں فرشتوں ، نبیوں ، صحابہ ، اَہْلِ بیت ، عُلَما ، اَوْلیا ، سب کا یہی عقیدہ رہا ہے کہ ہمارے پیارے نبی ، رسولِ ہاشمی ، مکی مدنی ، مُحَمَّدِ عربی صَلَّی اللہ عَلَیْہِ وَ آلِہٖ وَ سَلَّم سب سے آخری نبی ہیں ، آپ کے بعد کوئی نیا نبی نہیں آئے گا۔

مگریادرکھئے ! یہ عقیدہ جتنا واضِح اور صاف ہے ، اس پر ڈاکہ ڈالنے والے بھی بہت زیادہ ہیں۔ آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم نے فرمایا : میری اُمَّت میں 30 کذّاب   ( یعنی بہت بڑے جھوٹے ) ہوں گے ، ان میں سے ہر ایک یہ خیال کرے گا کہ وہ نبی ہے حالانکہ میں خَاتَمُ النَّبِیّٖن  ہوں اور میرے بعد کوئی نبی نہیں ہے۔ ^{( [1] )}  

مفتی احمدیار خان نعیمی  رَحمۃُ اللہ علیہ اس حدیثِ پاک کے تحت لکھتے ہیں : 30 جھوٹے نبی وہ ہیں ، جنہیں لوگوں نے نبی مان لیا اور ان کا فساد ( Riot )  پھیل گیا ، دوسرے قسم کے مُدَّعِیِ نُبُوَّت  ( یعنی نبوت کے جھوٹے دعویدار )  جنہیں کسی نے نہ مانا وہ بکواس کرکے مر گئے ، وہ تو بہت ہوئے ہیں۔ ^{( [2] )}  

ایمان کی سلامتی کی فِکْر نہ کرنے کا نقصان

معلوم ہوا؛عقیدۂ ختمِ نبوت پر ڈاکے ڈالنے والے بہت ہیں ، اس لئے ہمیں چاہئے کہ اپنے اِیْمان کی فِکْر کریں ۔ یاد رکھئے ! ایک انسان کے پاس سب سے قیمتی ( Precious )  بلکہ