سے حضرت اَحْمَد ِمجتبیٰ  ( صَلَّی اللہ عَلَیْہِ وَ آلِہٖ وَ سَلَّم )  کے عِلاوہ کوئی نبی باقی نہیں ہے۔ ^{( [1] )}   

سَفَرِ معراج اور عقیدۂ ختمِ نبوت

حضرت ابوہریرہ رَضِیَ اللہ عنہ سے روایت ہے ، پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کے سَفَرِ معراج کا واقعہ ہے ، جب آپ صَلَّی اللہ عَلَیْہِ وَ آلِہٖ وَ سَلَّم  ( مسجدِ اَقْصیٰ میں )  انبیائے کرام علیہم السَّلام سے مِلے ، اس وقت انبیائے کرام علیہم السَّلام نے خطبے دئیے ، اس میں اللہ پاک کی حمد و ثنا بیان کی ، سب سے آخر میں رسولِ اکرم ، نورِ مُجَسَّم صَلَّی اللہ عَلَیْہِ وَ آلِہٖ وَ سَلَّم نے خطبہ ارشاد فرمایا ، آپ صَلَّی اللہ عَلَیْہِ وَ آلِہٖ وَ سَلَّم نے اس خطبے میں اپنے اور اپنی اُمّت کے بہت سارے فضائِل بیان کئے ، پھر فرمایا : سب تعریفیں اُس رَبِّ کریم کے لئے ہیں کہ جَعَلَنِی  فَاتِحًا وَ خَاتَمًا جس نے مجھے  فاتِح  ( یعنی کھولنے والے )  اور خاتَم  ( یعنی سب سے آخری نبی )  بنا کر بھیجا ہے۔ اس وقت حضرت ابراہیم عَلَیْہِ السَّلام نے انبیائے کرام علیہم السَّلام سے فرمایا : بِہٰذَا فَضَّلَکُمْ مُحَمَّد صَلَّی اللہ عَلَیْہِ وَ آلِہٖ وَ سَلَّم یعنی انہیں اَوْصاف و کمالات کے سبب مُحَمَّد صَلَّی اللہ عَلَیْہِ وَ آلِہٖ وَ سَلَّم تم سب سے اَفْضَل ہیں۔  ^{( [2] )}

تاجدارِ انبیا !                                                     سب سے آخری نبی !         ہیں حبیبِ کبریا !                          سب سے آخری نبی !

عقیدہ سب صحابہ کا !              سب سے آخری نبی !         عقیدہ اَہْلِ بیت کا !             سب سے آخری نبی !

نورانی محل کی آخری اینٹ

حدیثِ پاک کی مشہور کتابوں : بخاری ، مسلم ، ترمذی اور مسندِ احمد میں  ہے : اللہ پاک کے آخری نبی ، رسولِ ہاشمی ، مکی مدنی صَلَّی اللہ عَلَیْہِ وَ آلِہٖ وَ سَلَّم نے فرمایا : میری اور مجھ سے پہلے انبیا