عقیدہ  ختمِ نبوت کیا ہے ؟

اے عاشقانِ رسول ! الحمد للہ ! ہمارے آقا و مولیٰ ، مکی مدنی مصطفےٰ ، احمدِ مجتبیٰ صَلَّی اللہ عَلَیْہِ وَ آلِہٖ وَ سَلَّم سب سے آخری نبی ہیں۔ اسلام میں عقیدۂ ختمِ نبوت کیا ہے ؟ اور اس کی اہمیت ( Importance )  کیا ہے ؟ اعلیٰ حضرت  رَحمۃُ اللہ علیہ نے یہ بھی ہمیں سمجھایا ، آپ کے فرامین کا خُلاصہ ہے : جب سے احمدِ مجتبیٰ ، مُحَمَّدِ مصطفےٰ صَلَّی اللہ عَلَیْہِ وَ آلِہٖ وَ سَلَّم دُنیا میں تشریف لائے ، اس وقت سے لے کر قیامت تک کوئی بھی شخص کسی بھی لحاظ سے کسی بھی زمانے میں ، ساتوں آسمانوں اور ساتوں زمینوں میں ، کائنات  ( Universe ) کے کسی بھی خطّے میں کوئی نیا نبی نہیں آ سکتا۔

اور اعلیٰ حضرت  رَحمۃُ اللہ علیہ  لکھتے ہیں : اسلام میں جس طرح لَااِلٰہَ اِلَّا اللہ پر ایمان رکھنا ضروری ہے ، اسی طرح مُحَمَّدٌ رَّسُوْلُ اللہ صَلَّی اللہ عَلَیْہِ وَ آلِہٖ وَ سَلَّم کو خَاتَمُ النَّبِیّٖن ماننابھی لازِم اور ضروری ہے ، جو بندہ اس عقیدے کا انکار کرے یا اس میں ذَرَّہ برابر بھی شک کرے وہ یقینی طَورپر کافِر ہے ، ملعُون ہے ، ہمیشہ ہمیشہ جہنّم میں رہے گا۔پِھر بات صِرْف اتنی ہی نہیں بلکہ جو اس مُرتَد کے غلط عقیدے کو جانتا ہو ، پِھر وہ اسے کافِر نہ جانے یا اس کے کافِرہونے میں شک کرے ، وہ بھی کافِر ومرتَد ہے۔  ^{( [1] )}  

خیال رہے ! اللہ پاک کے نبی حضرت عیسیٰ عَلَیْہِ السَّلام چوتھے آسمان پر تشریف فرما ہیں ، آپ نے ابھی تک موت کا ذائقہ نہیں چکھا ، قیامت کے قریب آپ دوبارہ دُنیا میں تشریف لائیں گے اور آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم کی شریعت کی تبلیغ فرمائیں