کی مثال ( Example )  اس شخص کی طرح ہے جس نے ایک بہت حسین و جمیل گھر  ( Beautiful House )  بنایا مگر اس کے ایک کونے میں ایک اینٹ ( Brick )  کی جگہ چھوڑ دی ، لوگ اس کے گرد گھومنے لگے اور تعجب سے کہنے لگے کہ اس نے یہ اینٹ کیوں نہ رکھی ، پھر آپ صَلَّی اللہ عَلَیْہِ وَ آلِہٖ وَ سَلَّم نے فرمایا : میں وہ  ( آخری )  اینٹ ہوں اور نبیوں میں آخری نبی ہوں۔  ^{( [1] )}

دوسری روایت میں ہے : اس اینٹ کی جگہ  ( کو پُر کرنے والا )  میں ہوں ، میں آیا تو نبیوں  ( کے سلسلے )  کو ختم  ( یعنی مکمل )  کر دیا۔  ^{( [2] )}

ہیں وہ قصرِ نبوت کی اینٹ آخری

قولِ شاہِ دنا ، خاتمُ الانبیا

الحاج مفتی احمد یار خان نعیمی  رَحمۃُ اللہ علیہ اس حدیثِ پاک کی شرح میں لکھتے ہیں : سُبْحٰن اللہ ! کیسی پیاری مثال ہے ، نبوت گویا نورانی محل ہے ، حضرات انبیائے کرام علیہم السَّلام  گویا اس کی نورانی اینٹیں ہیں حُضُور صَلَّی اللہ عَلَیْہِ وَ آلِہٖ وَ سَلَّم گویا اس محل ( Palace )  کی آخری اینٹ ہیں ، جس پر اس عمارت ( Building )  کی تکمیل ہوئی ، اس سے معلوم ہوا کہ حضور صَلَّی اللہ عَلَیْہِ وَ آلِہٖ وَ سَلَّم آخری نبی ہیں ، آپ کے زمانے میں یا آپ کے بعد کوئی نبی نہیں۔ ^{( [3] )}

میرے بعد کوئی نبی نہیں

مسلمانوں کے چوتھے خلیفہ حضرت علی المرتضیٰ ، شیرِ خُدا رَضِیَ اللہ عنہ فرماتے ہیں : ایک