اور احادیث و روایات اور پچھلی آسمانی کتابوں کے ارشادات لکھ کریہ ثابت کیا کہ جو بندہ پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کے آخری نبی ہونے کا اِنْکار کرے ، آپ صَلَّی اللہ عَلَیْہِ وَ آلِہٖ وَ سَلَّم کی ظاہِری زِندگی کے زمانے میں یا اس کے بعد قیامت تک کسی بھی اُونچے سے اُونچے مرتبے والے کو نبی مانے ، وہ بندہ کافِر ہے ، دائرۂ اسلام  سے خارِج ہے۔

سیدی اعلیٰ حضرت  رَحمۃُ اللہ علیہ نے اس مباک رسالے میں عقیدۂ ختم نبوت کے جو دلائِل ذِکْر فرمائے ، الحمد للہ ! عاشقِ اعلیٰ حضرت ، امیراہلسنت ، مولانا محمد الیاس عطّار قادری دامت بَرَکاتُہمُ العالیہ نے اس میں سے بہت سارے دلائل اپنے رسالے سب سے آخری نبیمیں ذِکْر کئے ہیں۔ آئیے ! ان میں سے چند ایک دلائل سنتے ہیں۔ مزید تفصیل جاننا چاہتے ہوں تو امیر اہلسنت دامت بَرَکاتُہمُ العالیہ کا رسالہسب سے آخری نبی پڑھ لیجئےبلکہ کوشش کر کے یومِ ختمِ نبوت کے موقع پر گھر میں ، مسجد میں ، اپنے محلے میں ، بازار میں اس رسالے سے دَرْس دیجئے ! اِنْ شَآءَ اللہ الْکَرِیْم ! عِلْمِ دِین بھی سیکھنے کو ملے گا اور نیکی کی دعوت عام کرنے کا ڈھیروں ڈھیر ثواب بھی ہاتھ آئے گا۔

عقیدہ ختم نبوت کے دلائل

لوحِ محفوظ اور عقیدہ  ختمِ نبوت

حدیثِ پاک کی مشہور کتاب مسلم شریف میں ہے : اللہ پاک کے آخری نبی ، مُحَمَّدِ عربی صَلَّی اللہ عَلَیْہِ وَ آلِہٖ وَ سَلَّم نے فرمایا : اللہ پاک نے زمین و آسمان کی پیدائش سے 50 ہزار سال پہلے مخلوق کی تقدیر  لکھی ، اس وقت لوحِ محفوظ پر جو کچھ لکھا گیا ، اس میں  یہ بھی تھا : اَنَّ مُحَمَّدًا خَاتَمُ النَّبِیٖن بے شک مُحَمَّد صَلَّی اللہ عَلَیْہِ وَ آلِہٖ وَ سَلَّم سب سے آخری نبی ہیں۔  ^{( [1] )}