والدہ بننے والی ہیں ، جب ولادت ہو تو ان کا نام مُحَمَّد  ( صَلَّی اللہ عَلَیْہِ وَ آلِہٖ وَ سَلَّم )  رکھئے اور اپنا معاملہ چھپائیے... ! !   ^{( [1] )}

مزید فرماتی ہیں : جب وِلادت کا وَقْت آیا ، میں گھر میں اکیلی تھی ، حضرت عبد المطلب رَضِیَ اللہ عنہ طواف کرنے گئے تھے ، یہ پیر کا دِن ( Monday )  تھا ، میں نے دِل ہلا دینے والی آواز سُنی ، پھر مجھے لگا جیسے ایک پرندے نے سفید پروں سے مجھے مَسْ کیا ہو ، اس سے میرا خوف جاتا رہا ، پھر سفید رنگ کا  شربت لایا گیا ، شاید یہ دودھ تھا ، مجھے پیاس لگی تھی ، میں نے شربت پیا تو مجھ سے بلند نور روشن ہو گیا ، پھر لمبے قد کی  عَوْرَتوں نے مجھے گھیرے میں لے لیا ، میں سمجھی کہ عبدِ مناف کی خواتین ہیں ، ابھی میں تعجب میں تھی کہ انہیں میرے بارے میں کیسے عِلْم ہوا ، ان میں سے ایک بولی : میں آسیہ ہوں ، دوسری نے کہا : میں مریَم بنتِ عمران ہوں اور بقیہ خواتین کی طرف اشارہ کر کے بتایا : یہ حورِ عین ہیں۔

میری حالت دُشوار ہو رہی تھی ، عجیب سِی آوازیں مجھے بار بار خوف زدہ  کر رہی تھیں ، اتنے میں دیکھا : زمین سے آسمان تک سفید دیباج  ( ایک قسم کا ریشمی کپڑا )  لٹکا دیا گیا ہے اور کچھ لوگ چاندی کے برتن لئے ہَوا میں کھڑے ہیں۔مجھے پسینہ آرہا تھا جس کی بوندیں موتی جیسی اور خوشبو مشک جیسی تھی ، پھر اچانک پرندوں کا ایک غول ( Birds Flock )  جن کی چونچیں زمرد ( Emerald )  کی اور پَر یاقوت ( Ruby )  کے تھے ، میرے کمرے میں داخِل ہوئے۔ اس وَقْت اللہ پاک نے میری آنکھوں سے پردے اُٹھا دئیے ، مجھے زمین کے مشرِق ومغرِب نظر آرہے تھے ، میں نے دیکھا : 3 پرچم ہیں ،  ( 1 ) : ایک مشرِق ( East )  میں