اِصْلاح کی، آج یہ جنّتی ہوئے، اب تُو بتا تیرا عمل کیا ہے؟ تُو نے اپنی کتنی اِصْلاح کی؟

یہ گھڑی مَحشر کی ہے، تُو عرصۂ محشر میں ہے

پیش کر غافِل عمل کوئی اگر دَفتر میں ہے

نقصان! نقصان! اور سخت نقصان! افسوس! افسوس! صَدْ افسوس! اگر ہم  نے اپنی اِصْلاح نہ کی ہوئی *خُدانخواستہ نمازیں پوری نہ ہوئیں *روزے پورے نہ ہوئے *اگر والدین کا اَدَب کر کے جنّت کے حق دار نہ بنے ہوں گے *پڑوسیوں کو تکلیف پہنچا کر *لوگوں کو گالیاں دے کر *غیبتیں کر کے *چُغلیاں کھا کر *بَدگمانیاں کر کے *جُھوٹے اِلزام لگا کر دوسروں کی عِزتیں پامال کی ہوں گی *ظاہِر میں اچھے بَن کر نیک کہلاتے مگر تنہائی میں گُنَاہوں کا بازار گرم کرتے رہے ہوں گے تو اُس وَقت ہمارا کیا بنے گا، آہ! اگر روزِ قیامت پکڑ ہو گئی تو ہم کمزور کہاں جائیں گے؟ ہائے! کتنی شَرمندگی ہو گی۔ آہ! جہنّم کا ہولناک عَذاب ہم کیسے برداشت کر سکیں گے؟

اے جنت کے طلب گارو! ابھی ہمارے پاس وقت ہے، آئیے! ہم سُدھرنے کی کوشش کریں، آئیے! ہم اپنی اِصْلاح کی کوشش کریں۔ آئیے! مِل کر بارگاہِ الٰہی میں  دُعا کرتے ہیں:

ہر گُنہ سے بچا مجھ کو مولیٰ                                                                                                   نیک خصلت بنا مجھ کو مولیٰ

تجھ کو رمضان کا واسطہ ہے                                                                                یاخُدا! تجھ سے میری دُعا ہے

ہُوں بَظَاہِر بڑا نیک صُورت                                                                              کر بھی دے مجھ کو اَب نیک سیرت

ظاہِر اچھا ہے باطِن بُرا ہے                                                                                 یاخُدا! تجھ سے میری دُعا ہے

عَیب دُنیا میں تُو نے چُھپائے                                                                    حَشَر میں بھی نہ اب آنچ آئے