مدد کولو، د بازار نه به يـې خپل سامان پخپله راوړلو او بل چا ته به يـې د اوچتولو د پاره نه پريښودو۔ ^([1])

تِری سادگی پہ لاکھوں تِری عاجزی پہ لاکھوں                                 ہوں سلام عاجزانہ مدنی مدینے والے^([2])

صَـــلُّـــوْا  عَـــلَـی   الْــحَـــبِــيْــب!            صَـلَّـی اللهُ   تَعالٰـی عَلـٰی   مُـحَـمَّد

عزت ټول پۀ ټوله د الله او د رسول دے

يو ځل حضرت عمر فاروقِ اعظم رَضِىَ اللهُ عَـنْهُ شام مُلک ته تشريف يوړلو، حضرت ابو عبيده بن جَرَّاح رَضِىَ اللهُ عَـنْهُ هم ورسره وو، دواړه داسې ځائے ته ورسيدل چرته چې د زنګونانو پورې اوبه وې، هغوئي پۀ خپله اوښه باندې ناست وو، هٰغې ځائے ته چې ورسيدلو نو د خپلې اوښې نه کوز شو، خپلې موزې يـې ويستلې او پۀ خپلو اوګو باندې يـې کيښودې او د اوښې رسۍ يـې ونيوله او اوبو ته داخل شو۔ دا انداز يـې چې وليدلو نو حضرت اَبُو عبيده رَضِىَ اللهُ عَـنْهُ عرض وکړو: اے اَمِيرُ المُؤمِنين۔۔۔!! د دې ځائے خلق چې تاسو پۀ دې حالت کښې وويني، دا ما ته بالکل ښه نه ښکاري۔

حضرت عمر فاروقِ اعظم رَضِىَ اللهُ عَـنْهُ ووفرمائيل: اے ابو عبيده! که ستا نه علاوه دا خبره بَل چا کړې وه نو به د عبرت نخښه ګرځولې وه، ياد ساته! مونږ غريبانان قوم وو، بيا الله پاک د اِسلام پۀ ذريعه مونږ ته عزت عطا کړو، پس که مونږ د اِسلام نه علاوه چرته پۀ بَل ځائے کښې عزت لټوو نو الله پاک به مونږ رسوا کړي۔ ^([3])

خوږو او محترمو اِسلامي وروڼو! دا هم يو سبق دے۔۔۔!! نن سبا دلته خلق د غير مسلمو طور طريقې اختيارول عزت ګڼي، د سُنَّت مطابق جامې اغوستل پۀ خلقو ښې نه لګي، د ځانه د خپل عزت جوړولو او بچ کولو د پاره خلق سُنَّت پريږدي، فيشن پرستي ماډرن ګڼلے شي، د اوسني وخت فيشن اختيارول براډ مائنډ (يعنې روشن خيالي) ګڼي خو ياد ساتئ چې دا پۀ حقيقت کښې عزت نه دے بلکې ذِلت دے۔ الله پاک فرمائي:

وَ لِلّٰهِ الْعِزَّةُ وَ لِرَسُوْلِهٖ (پارہ:28، اَلْمُنٰفِقُون:8)

[مفهوم] ترجمهٴ کنزُ العِرفان: حالانکې عِزَّت خو د الله او د هغۀ د رسول د پاره دے۔

ټول پۀ ټوله عزت د الله او د رسول سره دے، چا ته چې هم عزت ميلاويږي، هم د