ہو جائے، اُس میں خوفِ خُدا نہ رہے تو بندے کے سب  کام بگڑ جاتے ہیں اور بندہ نفسانی خواہشات کے پَھنْدے میں گرفتار ہو کر گُنَاہوں میں مبتلا ہو جاتا ہے، اسی لئے کہتے ہیں: دِل تمام جسم کا بادشاہ ہے اور تمام اعضا اِس کا لشکر ہیں، اگر بادشاہ نیک ہو تو لشکر بھی نیک ہو جاتا ہے اور اگر بادشاہ بگڑ جائے تو پُورا لشکر بگڑ جاتا ہے۔^([1])

دِل ہی ڈبوئے، دِل ہی ترائے                                                     دِل سا دوست نہ دِل سا دُشمن

اعلیٰ حضرت رَحمۃُ اللہِ عَلَیْہ نے کیا خوب کہا:

دِل کہ تِیمار ہمارا کرتا                                                                                                     آپ بِیمار ہے کیا ہونا ہے

تیرے بِیمار کو میرے عیسیٰ!                                                              غش       لگاتار        ہے       کیا       ہونا       ہے^([2])

وضاحت:دِل کہ ہماری دیکھ بھال کرتا، خُود ہی بیمار ہے، اب ہمارے کیا بنے گا...؟ اے میرے عیسیٰ (یعنی شِفَا بخش نبی، مُحَمَّدِ عربی صَلَّی اللہُ عَلَیْہِ وَ آلِہٖ وَ سَلَّم)  آپ کا غُلام گُنَاہوں کی بیماری میں مبتلا ہے، لگاتار غفلت میں ہے۔ آہ! کیا بنے گا...؟   

سب سے بڑی سزا

تِرْمذی شریف کی حدیثِ پاک ہے، اللہ پاک کے حبیب، دِلوں کے طبیب صَلَّی اللہُ عَلَیْہِ وَ آلِہٖ وَسَلَّم نے فرمایا: اِنَّ اَبْعَدَ النَّاسِ مِنَ اللَّهِ الْقَلْبُ الْقَاسِی یعنی سخت دِل والا سب سے بڑھ کر اللہ پاک سے دُور ہے۔^([3]) حضرت مالِک بن دِینار رَحمۃُ اللہِ عَلَیْہ فرماتے ہیں: بندوں کو جو سزائیں