بَرَکت سے مجھے فائدہ پہنچتا تھا۔^([1])

اللہ اللہ کیے جانے سے اللہ نہ ملے                                               اللہ والے ہیں جو اللہ سے ملا دیتے ہیں

اِک نگاہِ کرم کی بات ہے

حکیمُ الامّت مفتی احمد یار خان نعیمی رَحمۃُ اللہِ عَلَیْہ تفسیرِ نعیمی میں فرماتے ہیں:گُنَاہوں سے آہستگی سے دِل میلا ہوتا ہے (مثلاً ایک گُنَاہ کیا تو دِل پر ایک سیاہ نکتہ لگ جاتا ہے، دوسرا گُنَاہ کیا تو دوسرا نکتہ لگ جائے گا، یوں آہستہ آہستہ دِل پر زَنگ لگتا ہے) اور مَیلا دِل عبادات کے ذریعے آہستہ آہستہ صاف ہوتاہے مگر نیک بندوں کی دُشمنی سے آہستہ آہستہ نہیں بلکہ یک دَم  دِل پر مُہر لگ جاتی ہے اور اگر کسی نیک بندے کی نِگاہ  عنایت ہو جائے تو مَیلا دِل ایک دَم اُجْلا اُجْلا،  چمکدار ہو جاتا ہے۔^([2])  اسی لئے تو کہتے ہیں:

یَکْ زمانہ صحبتِ بااَوْلیا                                                                                                                                     بہتر اَز صَدْ سَالہ طَاعَتِ بے رِیا

وضاحت:یعنی سینکڑوں سال کی بےریا عِبَادت ایک طرف، کسی ولئ کامِل کی چند لمحوں کی صحبت ایک طرف، یہ صحبتِ ولی جتنی تیزی سے اَثَر کرتی ہے، عِبَادت اتنی تیزی سے اَثَر انداز نہیں ہوتی۔ (خیال رہے! اِس کا یہ مطلب نہیں کہ نماز، روزہ چھوڑ کر بَس نیک لوگوں کی صُحْبَتْ ہی اِختیار کر لیں، اِس سے تو الٹا اَثَر ہو گا، ویسے بھی نیک لوگوں کی صُحْبَت نمازیوں کو بےنمازی نہیں بلکہ بےنمازیوں کو نمازی بناتی ہے)۔