اللہُ اکبر رَبُّ العلا نے                                                                                                            ہر شَے پہ لکھا نامِ مُحَمَّد

ہیں یُوں تو کثرت سے نام لیکن                                                          سب سے ہے پیارا نامِ مُحَمَّد

شیدا نہ کیوں ہوں اس پر مسلماں                                                       رَبّ     کو      ہے      پیارا      نامِ     مُحَمَّد^([1])

پیارے اسلامی بھائیو! ہم سب انسانوں کے والِدِ محترم اللہ پاک کے نبی، حضرت آدم عَلَیْہِ السَّلَام نے نصیحت فرمائی ہے کہ چونکہ اللہ پاک نے ہر جگہ ہی نامِ مُحَمَّد صَلَّی اللہُ عَلَیْہِ وَ آلِہٖ وَسَلَّم کے چرچے فرمائے ہیں، لہٰذا تم بھی اُن کا ذِکْرِ پاک کثرت سے کیا کرو...!! اس لئے ہمیں چاہئے کہ کثرتِ ذِکْرِ مَحْبُوب صَلَّی اللہُ عَلَیْہِ وَ آلِہٖ وَسَلَّم کرتے ہی رہا کریں * اٹھتے بیٹھتے اُن کا نام لیا کریں* درودِ پاک کی کثرت کیا کریں * پیارے مَحْبُوب صَلَّی اللہُ عَلَیْہِ وَ آلِہٖ وَسَلَّم کی سیرتِ پاک پڑھیں، پاکیزہ سیرت کے پیارے پیارے واقعات سُنتے، سُناتے رہا کریں * سنتیں سیکھا کریں، دوسروں کو سکھاتے رہا کریں۔ امیر اہلسنت دَامَتْ بَرَکاتُہمُ العالیہ کہتے ہیں نا:

اُن کی یادوں میں کھو جائیے                                                                        مصطَفٰے      مصطَفٰے          کیجئے!^([2])

لہٰذا ہمیں اپنی یہ عادَت بنا لینی چاہئے۔

قبر کے سُوالات سے چھٹکارا مل گیا

منقول ہے: (مراکش کے شہر) فاس میں ایک نیک عورت رہتی تھی، اس کی عادَت تھی کہ جب اسے کوئی تنگی یا پریشانی دَرْپیش ہوتی تو وہ دونوں ہاتھ اپنے چہرے پر رکھتی اور آنکھیں بند کر کے کہتی: مُحَمَّد صَلَّی اللہُ عَلَیْہِ وَ آلِہٖ وَسَلَّم۔(بس نامِ مُحَمَّد کی برکت سے اس کی پریشانی دُور ہو جاتی) ۔ جب اس عورت کا انتقال ہوا تو کسی رشتے دار(Relative) نے اسے