خواب میں دیکھ کر پوچھا: آپ نے قبر میں سُوال کرنے والے 2 فرشتوں مُنْکَر نَکِیْر کو دیکھا؟ اس نے جواب دیا: ہاں! وہ میرے پاس آئے تھے۔ اُنہیں دیکھ کر میں نے اپنی عادَت کے مُطَابق دونوں ہاتھ اپنے چہرے پر رکھ کر کہا: مُحَمَّد صَلَّی اللہُ عَلَیْہِ وَ آلِہٖ وَ سَلَّم۔ جب میں نے چہرے سے ہاتھ ہٹائے تو دونوں فرشتے جا چکے تھے۔ ^([1])

پائیں مرادیں دونوں جہاں میں                                                              جس نے پُکارا نامِ مُحَمَّد

دونوں جہاں میں دُنیا و دِیں میں                                                             ہے اک وسیلہ نامِ مُحَمَّد

مؤمن کو کیوں ہو خطرہ کہیں پر                                                                        دِل پر ہے کَنْدَہ نامِ مُحَمَّد

روزِ قیامت میزان و پُل پر                                                                                       دے       گا       سہارا       نامِ       مُحَمَّد^([2])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

3 پیالے پیش کئے

پیارے اسلامی بھائیو! سِدْرۃُ المنتہیٰ حضرت جبریل امین عَلَیْہِ السَّلَام کا مقام ہے، یعنی حضرت جبریلِ امین عَلَیْہِ السَّلَامالسلام کی رہائش اس جگہ پر ہے۔ معراج کی رات جب پیارے آقا، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَسَلَّم خاص مقامِ جبریل یعنی سِدْرۃُ المنتہیٰ پر پہنچے، اس وقت حضرت جبریلِ امین عَلَیْہِ السَّلَام نے آپ صَلَّی اللہُ عَلَیْہِ وَ آلِہٖ وَسَلَّم کی خِدْمت میں 3پیالے پیش کئے (1): ایک پیالے میں پاکیزہ شراب تھی (2):دوسرے میں شہد اور (3):تیسرے میں دُودھ تھا۔ پیارے آقا صَلَّی اللہُ عَلَیْہِ وَ آلِہٖ وَسَلَّم نے دودھ کا پیالہ قبول فرمایا۔ اس پر حضرت جبریل عَلَیْہِ السَّلَام نے عرض کیا: ہِیَ الْفِطْرَۃ اَنتَ عَلَیْہَا یعنی یہ وہ فطرت ہے