گئے، جس جگہ پر جہاں، کہاں کچھ بھی نہیں تھا۔ سب کی رسائی یعنی پہنچ محبوبِ خُدا صَلَّی اللہُ عَلَیْہِ وَ آلِہٖ وَ سَلَّم تک ہے، ایک محبوبِ ذیشان صَلَّی اللہُ عَلَیْہِ وَ آلِہٖ وَ سَلَّم ہی ہیں، جنہیں رَبِّ کریم کی بارگاہ میں حاضِری کی سعادت نصیب ہوئی۔

اَوج پانا مرے حُضُور کا ہے                                                                               عرش جانا مرے حُضُور کا ہے

عرش سے بھی پرے وہ ہو آئے                                                 آنا جانا مرے حُضُور کا ہے

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

سِدْرۃُ المنتہیٰ کی ایک خصوصیت

پیارے اسلامی بھائیو! سِدْرۃُ المنتہیٰ کا جو یہ درخت ہے، بیری کا درخت...!! اس کی ایک خصوصی شان بھی ہے، وہ یہ کہ اس کےہر ہر پتّے پر محبوبِ ذیشان، مکی مَدَنی سُلطان صَلَّی اللہُ عَلَیْہِ وَ آلِہٖ وَسَلَّم کا نامِ پاک لکھا ہوا ہے۔ روایت میں ہے: اللہ پاک کے نبی حضرت آدم عَلَیْہِ السَّلَام جب دُنیا سے رخصت ہونےلگے تو آپ نے اپنے شہزادے حضرت شِیْث عَلَیْہِ السَّلَام کو بُلا کر فرمایا: بیٹا! جب بھی اللہ پاک کا ذِکْر کرو تو ساتھ میں مُحَمَّد صَلَّی اللہُ عَلَیْہِ وَ آلِہٖ وَسَلَّم کا ذِکْر بھی لازمی کرنا کیونکہ میں نے عرش کے پائیوں پر، آسمان میں ہر ہر جگہ، جنّت کے ہر ہر محل پر، اُن محلات کے ہر ہر کمرے پر، جنّتی پیالوں پر اور سِدْرۃُ المنتہیٰ کے ایک ایک پتّے پر مُحَمَّد صَلَّی اللہُ عَلَیْہِ وَ آلِہٖ وَسَلَّم کا نامِ پاک لکھا دیکھا ہے، لہٰذا ان کا ذِکْر کثرت سےکیا کرو...!!

سُبْحٰنَ اللہ! کیا شان ہے نامِ مُحَمَّد صَلَّی اللہُ عَلَیْہِ وَ آلِہٖ وَسَلَّم کی...!!

آنکھوں کا تارا نامِ مُحَمَّد                                                                                         دِل کا اُجالا نامِ مُحَمَّد