جنّت میں جانے کا دوسرا نسخہ

محبوبِ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  نے جنّتی بننے کا دوسرا نسخہ دِیا، فرمایا: اپنی موت کو ہمیشہ اپنی آنکھوں کے سامنے رکھا کرو! ^([1])

یہ بھی بڑا کمال نسخہ ہے، ہمیں چاہئے کہ وقتاً فوقتًا موت کو یاد کرتے رہا کریں *حدیث شریف میں ہے:جسے موت کی یاد بوجَھل (یعنی بےچین) رکھے، وہ اپنی قبر  کو جنّت کا باغ پائے گا^([2])*حضرت اَنَس بن مالِک رَضِیَ اللہُ تَعَالٰی عَنْہُ  سے رواىت ہے کہ حضور نبیِ پاک، صاحِبِ لَوْلَاک صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  نے فرماىا:موت کو کثرت سے ىاد کىا کرو کىونکہ وہ گناہوں کو زائل(Eliminate) کرتى اور دنىا سے بے رغبتى پىدا کرتى ہے^([3]) *حضرت دَقَّاق  رَحْمَۃُ اللہِ تَعَالٰی عَلَیْہِ فرماتے ہیں: جو موت کو کثرت سے یاد کرتا ہے وہ 3 باتوں کے ذریعے عزت (Respect) پاتا ہے (1):اُسے توبہ کى جلد توفىق ملتی ہے (2):اُسے قناعت(Serenity) کی دولت مل جاتی ہے اور (3):عبادت میں چُستی نصیب ہوتی ہے۔ مزید فرمایا:اور جس نے موت کو بھلا دىا، وہ 3 باتوں میں گرفتار کیا جائے گا: (1):توبہ کى تاخیر (2):بقدرِ ضرورت رزق پر راضی نہ ہونا اور (3):عبادت میں سُستى^([4]) *حضرتِ کَعْبُ الْاَحْبَار رَحْمَۃُ اللہِ تَعَالٰی عَلَیْہِ فرماتے ہیں:جو موت کو پہچان لیتا ہے اس پر دنیا کے غم و مصائب آسان ہو جاتے ہیں^([5]) *اور حضرت