اَلْحَمْدُ لِلہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی خَاتَمِ النَّبِیّٖن^ط

اَمَّا بَعْدُ! فَاَعُوْذُ بِاللہِ مِنَ الشَّیْطٰنِ الرَّجِیْمِ ^ط بِسْمِ اللہِ الرَّحْمٰنِ الرَّحِیْمِ ^ط

وَعَلٰي اٰلِكَ وَاَصۡحٰبِكَ يَا حَبِيۡبَ اللّٰه                                                                                                            اَلصَّلٰوةُ وَالسَّلَامُ عَلَيۡكَ يَا رَسُوۡلَ اللّٰه

وَعَلٰي اٰلِكَ وَاَصۡحٰبِكَ يَا نُوۡرَ اللّٰه                                                                                                                        اَلصَّلٰوةُ وَالسَّلَامُ عَلَيۡكَ يَا نَبِيَّ اللّٰه

نَوَيۡتُ سُنَّتَ الۡاِعۡتِكَافِ ( ترجمو: مون سنّتِ اعتڪاف جي نيّت ڪئي)

درودِ پاڪ جي  فضيلت

سيپارو: 22، سورت احزاب، آيت: 56 ۾الله پاڪ  فرمائي ٿو:

اِنَّ اللّٰہَ وَ مَلٰٓئِکَتَہٗ  یُصَلُّوْنَ عَلَی النَّبِیِّ ؕ یٰۤاَیُّہَا الَّذِیْنَ اٰمَنُوْا صَلُّوْا عَلَیْہِ  وَ سَلِّمُوْا  تَسْلِیْمًا (۵۶)

ترجمو ڪَنزُالعِرفان: بيشڪ الله ۽ ان جا ملائڪ نبي تي درود موڪلن ٿا. اي ايمان وارؤ! ان تي درود ۽ خوب سلام موڪليو. (پارہ:22 ،سورۂ احزاب:56)

حافظ قسطلاني رَحْمَةُ اللهِ عَلَيْه      فرمائن ٿا: الله پاڪ پنهنجي جلال، عظمت، بلند شان ۽ نهايت بي نياز هئڻ جي باوجود پنهنجي محبوب صَلَّى اللهُ عَلَيۡهِ وَاٰلِهٖ وَسَلَّم تي درود موڪلي ٿو، ملائڪ هميشه عبادت ۾ مصروف رهڻ ۽ الله پاڪ جو قرب ماڻڻ جي باوجود درود موڪلن ٿا، (اي انسانو!) توهان ته محبوبِ خدا صَلَّى اللهُ عَلَيۡهِ وَاٰلِهٖ وَسَلَّم جا محتاج آهيو، توهان کي انهن جي شفاعت گهرجي، انهن جي ئي برڪت سان توهان دنيا ۾ عزت ماڻيو ٿا، انهن جي ئي برڪت سان آخرت ۾ ڪاميابي ماڻيندؤ، تنهنڪري توهان وڌيڪ حقدار آهيو ته پنهنجي محسن ۽ غمخوار آقا صَلَّى اللهُ عَلَيۡهِ وَاٰلِهٖ وَسَلَّم  تي ڪثرت سان درود پڙهو...!! ^([1])