بہترین گھر وہ ہے جس میں  یتیم ہو اور اس کے ساتھ اچھا سلوک کیا جاتا ہو اور مسلمانوں  میں  بد ترین گھر وہ  ہے جس میں  یتیم ہو اور اس کے ساتھ بُرا سلوک کیا جاتا ہو ۔^([1]) (2):حضورِ اکرم، نورِ مُجَسَّم  صَلَّی اللہُ عَلَیْہِ وَ آلِہٖ وَ سَلَّم  نے فرمایا:مسکین لوگ جنت میں  مالداروں  سے 40 برس پہلے جائیں  گے،اے عائشہ    رَضِیَ اللہُ عنہا  !مسکین کو خالی نہ پھیرو اگرچہ کھجور کا ٹکڑا ہی ہو اسے دے دو ۔ اے عائشہ    رَضِیَ اللہُ عنہا  !مسکینوں سے محبت کرو، انہیں  قریب رکھو تاکہ اللہ پاک قیامت میں  تمہیں  قریب کر دے۔^([2])(3): اللہ پاک کے پیارے نبی، رسولِ ہاشمی  صَلَّی اللہُ عَلَیْہِ وَ آلِہٖ وَ سَلَّم  نے فرمایا:جو شخص یتیم کے سر پر محض اللہ پاک کی رِضا کے لئے ہاتھ پھیرے تو جتنے بالوں پر اُس کا ہاتھ گزرا ہر بال کے بدلے میں اُس کے لئے نیکیاں ہیں اور  جوشخص یتیم لڑکی یا یتیم لڑکے پر اِحسان کرے میں اور وہ جنّت میں(2 اُنگلیوں کو   مِلا کر فرمایا کہ )اس طرح ہوں گے۔^([3])

اِس حدیثِ پاک کے تحت  مَشْہُور مُفَسّرِ قرآن مفتی احمد یار خان نعیمی   رحمۃُ اللہِ علیہ   فرماتے ہیں:جوشخص اپنے عزیز یا اَجنبی یتیم کے سر پر محبت و شفقت کا ہاتھ پھیرے   اور یہ محبت صرف اللہ و رسول(  صَلَّی اللہُ عَلَیْہِ وَ آلِہٖ وَ سَلَّم   )کی رضا کے لئے ہو تو ہر بال کے عوض اسے نیکی ملے گی۔ یہ ثواب تو خالی ہاتھ پھیرنے کا ہے جو اس پر مال خرچ کرے،اس کی خدمت کرے،اسے تعلیم و تربیت دے سوچ لو کہ اس کا ثواب کتنا ہو گا۔^([4])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد