کے نکاح میں آئیں (2): رسولِ ہاشمی   صلی اللہُ عَلَیْہِ وَ آلِہٖ وَسَلَّم  نے آپ کی حیاتِ مبارکہ میں  دوسری شادی نہیں کی(3): نبی پاک   صلی اللہُ عَلَیْہِ وَ آلِہٖ وَسَلَّم  کی تمام اولاد سوائے حضرت ابراہیم  رَضِیَ اللہُ عنہ  کے آپ    رَضِیَ اللہُ عنہا  سے پیدا ہوئی   (4):آپ ہی تمام سادات کی نانی جان ہیں(5):عورتوں میں سب سے پہلے آپ    رَضِیَ اللہُ عنہا  ایمان لائیں(6):  نبی پاک   صلی اللہُ عَلَیْہِ وَ آلِہٖ وَسَلَّم  کے بعد اسلام میں سب سے پہلے آپ ہی نے نماز ادا فرمائی۔^([1])

مادرِ اوّلیں اہل ایمان کی                                                                                              ہے یہ اس کی بزرگی و پاکیزگی

برگزیدہ ہے ربِّ مُحَمَّد کی بھی                                                         عرش سے جس پہ تسلیم نازِل ہوئی

اُس سرائے سلامت پہ لاکھوں سلام

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

ایک ایمان افروز حدیثِ پاک

بُخاری شریف  جو حدیثِ پاک کی سب سے معتبر کِتاب ہے، اس میں ایک اِیْمان افروز حدیثِ پاک ہے، میں کچھ وضاحت اور تشریح کے ساتھ یہ حدیثِ پاک سُناتا ہوں، پِھر اس حدیث شریف سے ملنے والے سبق سُننے کی سَعَادت حاصِل کریں گے۔

ہمارے آقا ومولیٰ ، مکی مدنی مصطفےٰ  صَلَّی اللہُ عَلَیْہِ وَ آلِہٖ وَ سَلَّم   کی عمر مبارک 40سال ہو چکی تھی ، ربیع الاَوَّل کے مہینے سے وَحْی کے آثار ظاہِر ہونا شروع ہوئے ، وہ اس طرح کہ آپ  صَلَّی اللہُ عَلَیْہِ وَ آلِہٖ وَ سَلَّم   کو سچّے خواب دکھائے گئے ، آپ  صَلَّی اللہُ عَلَیْہِ وَ آلِہٖ وَ سَلَّم   جو خواب دیکھتے ، ہُو بَہُو وہی کچھ دِن میں آپ  صَلَّی اللہُ عَلَیْہِ وَ آلِہٖ وَ سَلَّم  کے سامنے ہو رہا ہوتا تھا ، کم و بیش6 ماہ اسی انداز پر گزرے ، پھِر آپ  صَلَّی اللہُ عَلَیْہِ وَ آلِہٖ وَ سَلَّم  کے دِل میں تنہائی کی محبّت ڈال دی گئی۔ رمضان شریف کا مبارک مہینا