بیان سننے کی نیتیں

حدیثِ پاک میں ہے:اِنَّمَا الْاَعْمَالُ بِالنِّیَّات اعمال کا دار و مدار نیّتوں پر ہے۔^([1])

اے عاشقان ِ رسول! اچھّی اچھّی نیّتوں سے عمل کا ثواب بڑھ جاتا ہے۔ آئیے! بیان سننے سے پہلے کچھ اچھّی اچھّی نیّتیں کر لیتے ہیں، نیت کیجئے! *رضائے الٰہی کے لئے بیان سُنوں گا *بااَدَب بیٹھوں گا* خوب تَوَجُّہ سے بیان سُنوں گا*جو سُنوں گا، اُسے یاد رکھنے، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

پیارے اسلامی بھائیو! اَلْحَمْدُلِلّٰہِ!رمضان شریف کی بابرکت، پُر نور، پُر بہار  گھڑیاں ہیں،  رَحمتوں کی چھماچھم برسات ہے، لمحہ لمحہ بابرکت ہے، خوش نصیب ہیں وہ لوگ *جو ظاہری و باطنی آداب کے ساتھ روزے رکھ کر*خوش دِلی کے ساتھ 20رکعتیں تراویح پڑھ کر*سحر وافطار کی برکتیں لُوٹ کر رمضان شریف کی بہاریں حاصِل کر رہے ہیں اور انتہائی محروم اور بدقسمت ہیں وہ لوگ *جو ان مُبَارَک گھڑیوں میں بھی نیکیوں سے محروم ہیں*روزے نہیں رکھتے*تراویح نہیں پڑھتے یا پڑھتے بھی ہیں تو پوری نہیں پڑھتے*بخشش و مغفرت اور رحمت کے اس عظیم الشان مہینے میں بھی اللہ پاک اور رسولِ کریم  صَلَّی اللہُ عَلَیْہِ وَ آلِہٖ وَ سَلَّم   کی رضا والے کام کرنے سے دور ہیں۔

اللہ پاک کے آخری نبی، مکی مَدَنی  صَلَّی اللہُ عَلَیْہِ وَ آلِہٖ وَ سَلَّم نے فرمایا: میری اُمَّت ذلیل ورُسوا نہ ہو گی جب تک وہ ماہِ رمضان کا حق ادا کرتی رہے گی۔ عرض کی گئی: یارسولَ اللہ  صَلَّی اللہُ عَلَیْہِ وَ آلِہٖ وَ سَلَّم  !