حضرت خدیجۃُ الکبریٰ    رَضِیَ اللہُ عنہا   کا مختصر تعارُف

پیارے اسلامی بھائیو! رمضان شریف کی 10 تاریخ کو مسلمانوں کی پیاری اَمِّی جان، حَسَنَیْنِ کَرِیْمَیْن اور تمام ساداتِ کرام کی نانی جان حضرت خدیجۃُ الکبریٰ    رَضِیَ اللہُ عنہا   کا دِن منایا جاتا ہے۔ آپ ہمارے پیارے آقا، مکی مدنی مصطفےٰ  صَلَّی اللہُ عَلَیْہِ وَ آلِہٖ وَ سَلَّم  کی پہلی زوجہ محترمہ ہیں۔

یہ بات بھی ہر مسلمان کو یاد رکھنی چاہئے کہ ہمارے پیارے آقا، مکی مدنی مصطفےٰ  صَلَّی اللہُ عَلَیْہِ وَ آلِہٖ وَ سَلَّم  کی اَزْواج  پاک کو اُمَّہَاتُ الْمُؤْمِنِین یعنی مسلمانوں کی مائیں کہا جاتا ہے۔ اللہ پاک ،پارہ:21 سورۂ احزاب کی آیت:6 میں فرماتا ہے:

اَلنَّبِیُّ اَوْلٰى بِالْمُؤْمِنِیْنَ مِنْ اَنْفُسِهِمْ وَ اَزْوَاجُهٗۤ اُمَّهٰتُهُمْؕ-

تَرْجمۂ کَنْزُالعِرْفان:یہ نبی مسلمانوں کے ان کی جانوں سے زیادہ مالک ہیں اور ان کی بیویاں ان کی مائیں ہیں۔

معلوم ہوا؛ پیارے آقا، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّم  ہماری جانوں کے ہم سے زیادہ مالِک ہیں اور آپ صَلَّی اللہُ عَلَیْہِ وَ آلِہٖ وَ سَلَّم  کی پاکیزہ بیویاں ہم سب اَہْلِ ایمان کی مائیں ہیں۔

اہلِ اِسلام کی مادرانِ شفیق                                                                                     بانُوانِ طہارت پہ لاکھوں سلام^([1])

پیارے اسلامی بھائیو! اللہ پاک کے آخری نبی، مکی مدنی  صَلَّی اللہُ عَلَیْہِ وَ آلِہٖ وَ سَلَّم  کی عمر مبارک 25 سال تھی، جب آپ نے حضرت خدیجۃُ الکبریٰ    رَضِیَ اللہُ عنہا   کو اپنی زوجیت میں قبول فرمایا۔ ^([2])آپ کی کنیت:اُمِّ قاسِم ہے۔آپ کا سب سے مشہور لقب:اَلْکُبْرٰیہے۔ آپ بہت پاکباز، بہت باہمت،بلندحوصلہ،باعزّت،اعلیٰ نسب رکھنے والی اور نہایت عقلمند خاتون