شریکِ راحت و اندوہ پابندِ رضا بی بی

دیارِ جاودانی کی طرف راہی ہوئیں وہ بھی

گئیں    دنیا   سے   آخر   سوئے   فردوسِ   بریں   وہ  بھی^([1])

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

چار افضل جنّتی خواتین

حضرت عبد الله بن عبّاس    رَضِیَ اللہُ عنہم  افرماتے ہیں:ایک بار پیارے آقا، مکی مدنی مصطفےٰ  صَلَّی اللہُ عَلَیْہِ وَ آلِہٖ وَ سَلَّم  نے زمین پر چار لکیریں کھینچ کر فرمایا: تم جانتے ہو یہ کیا ہیں؟ صحابۂ کِرام    رَضِیَ اللہُ عنہم   نے عَرْض کی:اَللہُ وَ رَسُوْلُہٗ اَعْلَمُ یعنی اللہ پاک اور اس کا رسول صَلَّی اللہُ عَلَیْہِ وَ آلِہٖ وَ سَلَّم  بہتر جانتے ہیں۔فرمایا: جنّتی عورتوں میں سب سے زِیادہ فضیلت والی یہ عورتیں ہیں: (1):خَدِیجَہ بنتِ خُوَیْلِد یعنی حضرت خدیجۃُ الکبریٰ    رَضِیَ اللہُ عنہا  (2):فاطِمہ بنتِ مُحَمَّد (3):فرعون کی بیوی آسیہ بنتِ مُزَاحِم (4):اورحضرت عیسیٰ  عَلَیْہ ِالسَّلام  کی والدہ محترمہ حضرتمَرْیَم بنتِ عِمْرَان( رَضِیَ اللہُ عنہ ن )۔ ^([2])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

آپ    رَضِیَ اللہُ عنہا  کی چند خصوصیات

 پیارے اسلامی بھائیو!  اللہ پاک نے حضرت خدیجۃُ الکبریٰ    رَضِیَ اللہُ عنہا  کو کثیر فضائل و مناقِب  اور خصوصیات سے نوازا تھا ، ہم یہاں آپ    رَضِیَ اللہُ عنہا  کی چند ایک خصوصیات سننے کی سعادت حاصل کرتے ہیں۔ چنانچہ (1):  آپ    رَضِیَ اللہُ عنہا  ہی  سب سے پہلے نبی پاک   صلی اللہُ عَلَیْہِ وَ آلِہٖ وَسَلَّم