انتہائی اَعْلیٰ اور بےمثال کردار ہے۔  آپ نے پیارے مَحْبُوب  صَلَّی اللہُ عَلَیْہِ وَ آلِہٖ وَ سَلَّم   کی دِل جُوئی کرتے ہوئے عرض کیا: کَلَّا وَاللہِ مَا یُخْزِیْکَ اللہُ اَبَدًا یعنی ایسا ہر گز نہیں ہو گا، خُدا کی قسم! اللہ پاک آپ کو کبھی رُسْوا نہ فرمائے گا۔ اس لئے کہ *اِنَّکَ لَتَصِلُ الرَّحِمَ بیشک آپ صِلَہ رحمی فرماتے ہیں* وَ تَحْمِلُ الْکَلَّ کمزوروں کا بوجھ اُٹھاتے ہیں *وَ تَکْسِبُ الْمَعْدُوْمَ محتاجوں کے لئے کماتے ہیں*وَ تَقْرِی الضَّیْفَ مہمان نوازی فرماتے ہیں*وَ تُعِیْنُ عَلیٰ نَوَائِبِ الْحَقِّ یعنی راہِ حق میں مشکلات برداشت فرما لیتے ہیں۔  ^([1])

وہ نبیوں میں رحمت لقب پانے والا                                    مرادَیں غریبوں کی بَر لانے والا

مصیبت میں غیروں کے کام آنے والا                  وہ اپنے پرائے کا غم کھانے والا

فقیروں کا ملجا، ضعیفوں کا ماوی                                                                یتیموں کا والی، غُلاموں کا مولیٰ

اُتَر کر حِرا سے سُوئے قوم آیا                                                                               اور اِک نسخۂ کیمیا ساتھ لایا

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

پیارے اسلامی بھائیو! یہ ایک خُوبصُورت روایت کچھ مختصر وضاحت اور تشریح کے ساتھ میں نے آپ کے سامنے رکھی، اس روایت میں ہمارے لئے بہت کچھ اَسْبَاق موجود ہیں۔

(1):اسلام نے عورت کو کیا دِیا

سب سے پہلے تو  اِس نکتے پر غور فرمائیے! کہ یہ اِسْلام کا بالکل ابتدائی مرحلہ ہے اور اس مرحلے پر   بھی ہمیں ایک عورت اپنا مثالی کردار ادا کرتے ہوئے نظر آ رہی ہے۔

ذرا زَور دے کر سوچئے! وہ عظیم الشان ہستی*جن کے نُور کو اللہ پاک نے تمام مخلوقات سے پہلے پیدا فرمایا*ابھی حضرت آدم  عَلَیْہ ِالسَّلام    کی تخلیق بھی نہ ہوئی تھی، اس سے