عذابِ قبر سے بچ جائیں گے۔

صدِّیق و عمر (   رَضِیَ اللہُ عنہما ) کا وسیلہ کام آگیا

اپنے دَور کے مُجَدِّد اور بہت بڑے عالِم،مُفَسِّر،مُحَدِّث حضرت امام جلالُ الدِّیْن سیوطی   رحمۃُ اللہِ علیہ   لکھتے ہیں:مفسرِ قرآن حضرت ابو قاسم بن ہِبَۃُ اللہ   رحمۃُ اللہِ علیہ  نے فرماىا: ہمارے اىک ہم مکتب (کلاس فیلو) کا انتقال ہوا تو استاد صاحِب نے اُسے خواب مىں دىکھ کر پوچھا:اللہ پاک نے تمہارے ساتھ کیا مُعَاملہ فرمایا؟اس نے کہا: مجھے بخش دىا گىا ہے۔ استا د صاحِب نے پوچھا:نکىرىن (یعنی قبر میں سوالات پوچھنے والے فرشتوں) کے ساتھ کىسى گزرى؟ اُس نے کہا: اُستاد صاحِب!جب نکىرىن نے مجھے بٹھا کر پوچھا کہ تمہارا ربّ کون ہے اور تمہارے نبی کون ہیں؟تواللہ پاک نے میرے دِل میں ڈال دیا کہ میں ان سے کہوں: حضرت ابو بکر اور حضرت عُمَر    رَضِیَ اللہُ عنہما  کے وسیلےسے مجھے چھوڑدو! پس اىک فرشتے نے دوسرے سے کہا: اس نے ہمیں بہت بڑی قسم دی ہے، لہٰذااسےچھوڑدو۔ چنانچہ وہ دونوں مجھے چھوڑ کرچلے گئے۔^([1])

کیوں نہ ہو رُتبہ بڑا اَصحاب و اہلِ بیت کا ہے خدائے مصطفیٰ، اَصحاب و اہلِ بیت کا

آل و اَصحابِ نبی سب بادشہ ہیں بادشاہ     میں فَقَط ادنیٰ گدا اَصحاب و اہلِ بیت کا

فَضْل ربّ سے دو جہاں میں کامیابی پائے گا      دل سے جو شَیدا ہوا اَصحاب و اہلِ بیت کا^([2])

*-*-*-*

ہر صحابئ نبی!    جنتی جنتی     سب صحابیات بھی !      جنتی جنتی