دعوتِ اِسلامی کے ہفتہ وار اِجتماع میں پڑھے جانے والے

 6دُرُودِ پاک ،2 دعائیں اور 2 اَحادیث

(1)شَبِ جمعہ کا دُرُود

بزرگوں نے فرمایا کہ جو شخص ہر شَبِ جمعہ (جمعہ اور جمعرات کی دَرمیانی رات )یہ  دُرُودِ پاک پابندی سے کم ازکم ایک مرتبہ پڑھے، موت کے وقت سرکارِ مدینہ   صَلَّی اللہُ عَلَیْہِ وَ آلِہٖ وَسَلَّم   کی زیارت کرے گا اور قبر میں داخِل ہوتے  وقت بھی، یہاں تک کہ وہ دیکھے گا کہ سرکارِ مدینہ  صَلَّی اللہُ عَلَیْہِ وَ آلِہٖ وَسَلَّم   اُسے قبر میں اپنے رَحمت بھرے ہاتھوں سے اُتار رہے ہیں۔^([1])آئیے! مل کر یہ دُرُودِ پاک پڑھتے ہیں:

اَللّٰهُمَّ صَلِّ وَسَلِّمْ وَبَارِكْ عَلٰي سَيِّدِنَا مُحَمَّدِ_نِالنَّبِيِّ الْاُمِّيِّ

الْحَبِيْبِ الْعَالِي الْقَدْرِ الْعَظِيْمِ الْجَاهِ وَعَلٰي اٰلِهٖ وَصَحْبِهٖ وَسَلِّمْ

(2)تمام گناہ مُعاف

حضرت اَنَس  رَضِیَ اللہُ عنہ سے روایت ہےکہ تاجدارِ مدینہ   صَلَّی اللہُ عَلَیْہِ وَ آلِہٖ وَسَلَّم  نے فرمایا: جو شخص یہ دُرُودِ پاک پڑھے، اگر کھڑا تھا تو بیٹھنے سے پہلے اور بیٹھا تھا تو کھڑے ہونے سے پہلے ،اُس کے گناہ مُعاف کردیئے جائیں گے۔ ^([2])آئیے! مل کر پڑھتے ہیں:

اَللّٰهُمَّ صَلِّ عَلٰي سَيِّدِنَا وَمَوْلَانَا مُحَمَّدٍ وَّ عَلٰي اٰلِهٖ وَسَلِّمْ

(3)رَحْمت کے  70دروازے

جو یہ دُرُودِ پاک پڑھتا ہے، اُس پر رَحْمت کے 70دروازے کھول دیئے جاتے ہیں۔^([3])آئیے! رَحْمتوں بھرا دُرُودِ پاک  پڑھتے ہیں:

صَلَّي اللهُ عَلٰي مُحَمَّدٍ

(4)6لاکھ دُرُود شریف کا ثواب

علّامہ اَحْمد صَاوِی   رحمۃُ اللہِ علیہ   بعض بزرگوں کے حوالے سے لکھتے ہیں:اِس دُرُود شریف کو ایک بار پڑھنے سے 6لاکھ دُرُود شریف پڑھنے کا ثواب حاصِل ہوگا۔^([4]) پڑھ لیتے ہیں:

اَللّٰهُمَّ صَلِّ عَلٰي سَيِّدِنَا مُحَمَّدٍ عَدَدَ مَا فِيْ عِلْمِ اللهِ صَلَاةً دَآئِمَةً^م  بِدَوَامِ مُلْكِ اللهِ

(5)قربِ مصطفےٰ  صَلَّی اللہُ عَلَیْہِ وَآلِہٖ وَسَلَّم

ایک دن ایک شخص آیا تو حضور   صَلَّی اللہُ عَلَیْہِ وَ آلِہٖ وَسَلَّم   نے اُسے اپنے اور صِدِّیقِ اَکْبر  رَضِیَ اللہُ عنہ  کے درمیان بِٹھالیا۔ اِس سے صحابۂ کرام   رَضِیَ اللہُ عنہم  کو حیرت ہوئی کہ یہ کون بڑے مرتبے والا شخص ہے! جب وہ چلا گیا تو سرکار   صَلَّی اللہُ عَلَیْہِ وَ آلِہٖ وَسَلَّم  نے فرمایا: یہ جب مجھ پر دُرُودِ پاک پڑھتا ہے،تو یوں پڑھتا ہے  ۔^([5])آئیے! ہم بھی پڑھ لیتے ہیں:

اَللّٰهُمَّ صَلِّ عَلٰي مُحَمَّدٍ كَمَا تُحِبُّ وَتَرْضٰي لَهٗ