کرتے...؟ کرنا چاہئے، ہر وقت شکر کرنا چاہئے، ہر ہر لمحے شکر کرنا چاہئے۔

اَفْضَل تَرِین شُکر

پیارے اسلامی بھائیو! اَلْحَمْدُ للہ کہنا ، اللہ پاک کا شُکر ہے اور اِسے سب سے اَفْضَل شکر قرار دیا گیا ہے۔ کوئی بھی بھلائی مِلے، اُس کی دُعا ہے: اَلْحَمْدُ للہ۔ اللہ پاک کے آخری نبی، رسولِ ہاشمی   صَلَّی اللہُ عَلَیْہِ وَ آلِہٖ وَسَلَّم   نے صحابۂ کرام   رَضِیَ اللہُ عنہم  سے فرمایا: ڈھالیں (یعنی دُشمن کے وار سے بچنے کے لیے  استعمال ہونے والے ہتھیار) اُٹھا لو! صحابۂ کرام   رَضِیَ اللہُ عنہم  نے عرض کیا: یا رسولَ اللہ   صَلَّی اللہُ عَلَیْہِ وَ آلِہٖ وَسَلَّم  ! کیا دُشمن نے حملہ کر دیا ہے؟ فرمایا: نہیں (دُشمن نے حملہ نہیں کیا) بلکہ جہنم کے مقابلےمیں اپنی ڈھالیں اُٹھالو اور سُبْحٰنَ اللہِ وَالْحَمْدُللہِ وَاللہ ُاَکْبَر پڑھا کرو کیونکہ یہ کلمات قیامت کے دن تمہارے آگے اور پیچھے سے تمہاری حفاظت کریں گے۔^([1])

ایک حدیثِ پاک میں ہے: اَلْحَمْدُللہ کہنا میزان کو بھر دیتا ہے^([2])  یعنی اَلْحَمْدُللہ کہنے سے اتنا ثواب ملتا ہے کہ روزِ قیامت جب یہ ثواب میزانِ عَمَل پر رکھا جائے گا تو میزان بھر جائے گا۔^([3])

اللہ پاک ہمیں کثرت سےشُکر کرنے اور اَلْحَمْدُللہ کہتے ہوئے زبان کو ذِکْرِ اِلٰہی سے تَر رکھنے کی توفیق عطا فرمائے۔ آمِیْن بِجَاہِ خَاتَمِ النَّبِیّٖن   صَلَّی اللہُ عَلَیْہِ وَ آلِہٖ وَسَلَّم  ۔  

ذکرو درود ہرگھڑی وردِ زباں رہے        میری فضول گوئی کی عادت نکال دو^([4])