چار یارانِ نبی!     جنتی جنتی     حضرتِ صدیق بھی !     جنتی جنتی

اور عمرِ فاروق بھی!                جنتی جنتی           عثمانِ غنی! جنتی جنتی

فاطمہ اور علی !   جنتی جنتی     ہیں حَسَن حُسین بھی!     جنتی جنتی

والِدَینِ نبی!          جنتی جنتی     ہر زوجۂ نبی!       جنتی جنتی

اور ابو سُفیان بھی! جنتی جنتی     ہیں مُعاویہ بھی!     جنتی جنتی^([1])

صَلُّوا عَلَی الْحَبیب!   صَلَّی اللّٰہُ عَلٰی مُحَمَّد

قبر میں کام آنے والے چند مزید اعمال

پیارے اسلامی بھائیو!  *اسی طرح تِلاوت کی عادَت بنائیے! بالخصوص روزانہ رات کو سورۂ مُلْک شریف لازمی پڑھ لیا کیجئے! حدیثِ پاک میں اس مبارَک سُورت کو عذابِ قبر سے بچانے والی سُورت فرمایا گیا ہے، 30 آیات ہیں، پانچ سے دس منٹ میں آسانی سے پڑھی جاتی ہے، جو حافِظ ہیں، وہ تو اور بھی آسانی سے پڑھ سکتے ہیں، لہٰذا روزانہ رات کو کم از کم ایک بار سُورۂ مُلک شریف لازمی پڑھ لیا کیجئے! *پانچوں نمازیں پابندئ وقت کے ساتھ باجماعت مسجد میں ادا کرنا *زکوٰۃ فرض ہو تو ادا کرنا *روزے رکھنا اور *لوگوں کے ساتھ حُسْنِ سلوک کرنا بھی عذابِ قبر سے بچنے کے اسباب ہیں۔ حضرت ابوہرىرہ  رَضِیَ اللہُ عنہ  سے مروی ہے کہ نبی غیب داں، رحمَتِ عالمیاں   صَلَّی اللہُ عَلَیْہِ وَ آلِہٖ وَسَلَّم   نے فرمایا:اس ذات کی قسم! جس کے قبضے میں میری جان ہے! جب مردے کو قبر میں رکھا جاتا ہے تو وہ واپس جانے والوں کے جوتوں کی آواز سنتا ہے،اگر مومن ہو تو نماز اس کے سر کی جانب،زکوٰۃ دائیں،روزہ بائیں اور دیگر بھلائیاں، نیکیاں اور لوگوں کے ساتھ حُسنِ سُلوک اس کے قدموں کی جانب