گُھپ اندھیری قبر میں جب جائے گا        بے عمل! بے انتِہا گھبرائے گا

جب ترے ساتھی تجھے چھوڑ آئیں گے    قبر میں کیڑے تجھے کھا جائیں گے

قبر میں تیرا کفن پھٹ جائے گا  یاد رکھ نازک بدن پھٹ جائے گا

تیرا اک اک بال تک جھڑ جائے گا خوبصورت   جسم   سب   سڑ   جائے  گا^([1])

پیارے آقا نے برزَخ کے حالات دیکھے...!!

مسلمانوں کے چوتھے خلیفہ حضرت علیُّ الْمُرتضٰی شیرِ ِخُدا  رَضِیَ اللہُ عنہ  بیان کرتے ہیں کہ حضورنبی کریم  صَلَّی اللہُ عَلَیْہِ وَ آلِہٖ وَ سَلَّم  ایک دن نمازِفجرپڑھاکرہماری طرف مُتوجّہ ہوئےاورارشادفرمایا : رات میرےپاس 2 فرشتے حاضر ہوئے اور مجھے آسمانِ دنیا کی طرف لے گئے *میں نے ایک فرشتہ دیکھا، جس کے ہاتھ میں بڑا پتھر (Stone) تھا اور اس کے سامنے ایک آدمی تھا فرشتہ پتھر اس کی کھوپڑی پر مار رہا تھا جس سے دماغ نکل کر ایک طرف بہہ جاتا اورپتھردوسری جانب لڑھک جاتا، میں نےپوچھا: یہ کون ہے؟فرشتوں نےکہا: آگے تشریف لےچلیے !*آگے بھی ایک فرشتے کو دیکھا جو اپنے سامنے پڑے آدمی  کے کبھی دائیں اورکبھی بائیں جبڑےکولوہےکی سَلاخ سے چیرتاہواکان تک لارہاتھا، میں نےکہا : یہ کون ہے؟فرشتےبولے : آگےتشریف لےچلیے ! *میں آگےبڑھاتو خون کی ایک نہر دیکھی جوہانڈی کی طرح اُبَل رہی تھی، اس میں بے لباس لوگ تھے اور نہر کے کناروں پر فرشتے اپنےہاتھوں میں مٹی کے ڈھیلے لیے  موجود تھے جوبھی نہرسے باہر جھانکتا، اسےوہ ڈھیلا مارتے،  جِس سےوہ واپس نہر میں گرتا حتیٰ کہ اس کی تہہ میں پہنچ جاتا ہے، میں نے پوچھا: یہ کون ہیں؟ فرشتوں نے کہا: آگے بڑھئے! *میں آگے بڑھا تو ایک گھر