کیلئے کم و بیش107شُعْبہ جات میں نیکی کی دعوت کی دھومیں مچارہی ہے۔اِنہی  میں سے ایک شُعْبہ” مَجلسِ تَوقیت“بھی ہے۔تَوْقِیت سے مُراد وہ عِلْم ہے جس کی مدد سے دُنیا کے کسی بھی مقام کے لئے پانچوں نمازوں، طُلوع و غُروب اورنِصْفُ النَّھَار وغیرہ کے اَوْقات معلوم کئے جاتے اور دُرست سَمتِ قِبلہ کا تَـعَـیُّن کِیاجاتا ہے۔مَجلسِ تَوقیت نے عِلْمِ توقیت کے ذَرِیْعے نمازوں کے اَوْقات،طُلُوع وغُروب اورسَمتِ قِبْلہ کی دُرُسْت مَعْلُومات نقشے کی صُورت میں  جمع کی ہیں۔اَلْحَمْدُلِلّٰہمجلسِ تَوقیت نے اب تک نہ صِرْف عِلْم ِتَوقیت کے اُصُول و قَوانین کے مُطَابِق  بے شُمار شہروں کے”اَوقاتُ الصَّلٰوۃ“کے نقشے تیار کئے ہیں بلکہ اس سلسلے میں مزید ایک قَدَم بڑھاتے ہوئے عاشقانِ رسول کی مَدَنی تحریک دعوتِ اسلامی کے ایک  شعبے”مجلس آئی ٹی“کے تَعاوُن سے ایک ایسا سافٹ وئیر بنام” اَوقاتُ الصَّلٰوۃ“بھی مُتعارَف کروایا ہے،جو کمپیوٹر اور موبائل وغیرہ پر دُرُسْتْ نمازوں کے وَقْت کی نِشاندہی میں بے حَدْ مُفیدہے۔چُنانچہ کمپیوٹر(ڈیسک ٹاپ ایپلی کیشن،Desktop Application)کے ذَرِیْعے دُنیا بھر کے تقریباً27لاکھ مَقامات جبکہ موبائل ایپلی کیشنز کے ذریعےتقریباً10ہزارمَقامات کے لئے دُرُسْت اَوْقاتِ نماز و سَمتِ قِبْلہ آسانی سے مَعْلُوم کئے جا سکتے ہیں۔ نِظامُ الاَوْقات کے بارے میں کسی بھی قسم کا  مَسئلہ یاتجویز ہو تو مَجلس کے اَراکین و ذِمّہ داران سے دعوتِ اسلامی کے عالَمی مَدَنی مرکزفیضانِ مدینہ باب المدینہ کراچی میں فون یا اس ای میل ایڈریس(prayer@dawateislami.net)پر رابطہ کر سکتے ہیں۔

صَلُّوْا عَلَی الْحَبِیْب!                                   صَلَّی اللّٰہُ عَلٰی مُحَمَّد