Book Name:Jahannam Se Chutkara Kaise Mila
کړي او د خُلو نه به ئې وينې او نوونه ګډ وډ روان وي، د سختې تندې د وجهې نه به ئې ځيګرونه اوشليږي، د سترګو ګاټي به ئې په مخونو را اوبهيږي او د مخونو غوښه به ئې اوريژيږي، د اندامونو نه به ئې ويښته بلکه څرمنې هُم اولويږي، چې کله ئې هُم څرمن خرابيږي نو په بله څرمن به بدلولے کيږي۔ آه! د دوزخيانو هډوکي به د غوښې نه تش پاتې شي، د هغوئي روحونه به د هغوئي په رګونو او پټو کښې نښتي وي او رګونه به ئې د دوزخ په اور اوچ شي، هغوئي به مرګ غواړي خو مرګ به ئې نه راځي۔([1])
يا الله د خپل خوږ حبيب صَلَّى اللهُ عَلَيْهِ وَاٰلِهٖ وَسَلَّم په خاطر زمونږه ايمان سلامت لرې او د جَهنَّم د عذاب او ستا د هر عذاب نه حفظ و امان راکړې۔ اٰمِین بِجَاہِ خاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم
صَـــلُّـــوْا عَـــلَـی الْــحَـــبِــيْــب! صَـلَّـی اللهُ تَعالٰـی عَلـٰی مُـحَـمَّد
اے عاشقانِ رَسُول! يقيناً په مونږ کښې هيڅ څوک هُم د دوزخ عذابونه نه شي برداشت کولے۔ اوس مونږه ژوندي يُو، زمونږه ساه ګانې چليږي، اوس موقع ده، راځئ چې نيکئ اوکړو، جَنَّت ته بوتلونکي کارونه اوکړو، د الله او رسول د رضا حاصلولو کارونه اوکړو۔
راځئ چې اوس د جَهنَّم نه نجات ورکوونکي يو څو اعمال واورو او نِيَّت اوکړو چې دا به باقاعده د خپل ژوند حِصَّه جوړوو۔ اِنْ شآءَ اللهُ الْكَرِيْم