بھی جاتی رہی ، اس کے بعد آپ نے ساڑھے 3 گھنٹے نہایت علمی اور پُر جوش بیان فرمایا۔ ^{( [1] )}  

ہر درد کی دوا ہے صَلِّ عَلیٰ مُحَمَّد                                                      تعویذ ہر بلا ہے صَلِّ عَلیٰ مُحَمَّد

محبوبِ کبریا ہے صَلِّ عَلیٰ مُحَمَّد                                                          کیا نقشِ خوشنما ہے صَلِّ عَلیٰ مُحَمَّد

قربِ خُدا ہو حاصِل ، جنّت میں ہو وہ داخِل       جس نے لکھا پڑھا ہے ، صَلِّ عَلیٰ مُحَمَّد

جو دردِ لا دوا ہو ، یہ گھول کر پلا دو                                                             کیا نسخۂ شفا ہے صَلِّ عَلیٰ مُحَمَّد

صَلُّوا عَلَی الْحَبیب!                                               صَلَّی اللہ  عَلٰی مُحَمَّد

بیان سننے کی نیتیں

حدیثِ پاک میں ہے : اِنَّمَا الْاَعْمَالُ بِالنِّیّات اَعْمَال کا دار ومدار نیتوں پر ہے۔ ^{( [2] )}

پیارے اسلامی بھائیو! اچھی نیت بندے کو جنّت میں پہنچا دیتی ہے ، بیان سننے سے پہلے کچھ اچھی اچھی نیتیں کر لیجئے! مثلاً نیت کیجئے : * رِضَائے اِلٰہی کے لئے بیان سُنوں گا * عِلْمِ دین سیکھوں گا * پورا بیان سُنوں گا * ادب سے بیٹھوں گا * نصیحت حاصِل کروں گا  * اَحْمَدِ مجتبیٰ ، مُحَمَّدِ مصطفےٰ صلی اللہ عَلَیْہِ وَ آلِہٖ وَسَلَّم کا نامِ پاک سُن کر درودِ پاک پڑھوں گا۔

صَلُّوْا عَلَی الْحَبیب!                                               صَلَّی اللہ  عَلٰی مُحَمَّد

مُحدِّثِ اَعْظم پاکستان  رَحمۃُاللہ علیہ کا تعارُف

پیارے اسلامی بھائیو!حُضُورِ مُحَدِّثِ اَعْظم پاکستان  رَحمۃُاللہ علیہ بہت بلند رُتبہ عالِمِ دِین ، بہت بڑے مُحَدِّث  ( یعنی عِلْمِ حدیث کے ماہِر )  اور ولئ کامِل ہیں۔ شَعْبَانُ الْمُعَظَّم کی پہلی تاریخ کو یومِ مُحَدِّثِ اَعْظم پاکستان منایا جاتا ہے ، اسی نسبت سے آج ہم اِنْ شَآءَ اللہ الْکَرِیْم!