اور عُمرِ فاروق بھی !                     جنَّتی جنَّتی                                                      عُثمانِ غنی!                                                         جنَّتی جنَّتی

فاطِمہ اور علی!                                                   جنَّتی جنَّتی                                                      ہیں حَسَن حُسین بھی !                جنَّتی جنَّتی

والِدَینِ نبی!                                                           جنَّتی جنَّتی                                                      ہر زوجۂ نبی!                                                      جنَّتی جنَّتی

اور ابو سُفیان بھی!                          جنَّتی جنَّتی                                                      ہیں مُعاویہ بھی!                                      جنَّتی   جنَّتی ^{( [1] )}

صَلُّوا عَلَی الْحَبیب!                                               صَلَّی اللہ  عَلٰی مُحَمَّد

 ( 4 ) : مُحَدِّثِ اَعْظَم پاکستان  رَحمۃُاللہ علیہ اور تعمیرِ مساجِد

حُضُور مُحدِّثِ اَعْظم پاکستان  رَحمۃُاللہ علیہ کو مسجدَیْں بنانے سے بہت لگاؤ تھا۔ فیصل آباد ( پنجاب پاکستان )  تشریف لانے کے بعد آپ نے کئی مساجِد تعمیر کروائیں اور کئی مساجِد کا سنگِ بنیاد آپ نے رکھا۔

یہ یقیناً حُضُور مُحَدِّثِ اَعْظَم پاکستان  رَحمۃُاللہ علیہ  کی کرامت ہی ہے کہ آپ دورانِ سَفَر کسی بے آباد جگہ نَماز ادا فرما لیتے تو وہ جگہ آباد بھی ہو جاتی اور اس مقام پر مسجد بھی تعمیر ہو جاتی تھی۔ایک مرتبہ آپ نے دورانِ سَفَر اَڈَّا مرید والا  ( ضلع فیصل آباد )  میں نَمازِ عصر ادا فرمائی ، قریبی نہر کے پانی سے وُضُو فرمایا ، اس وقت یہاں نہ آبادی تھی ، نہ کوئی مسجد۔ آپ نے خالی جگہ نَماز ادا کی ، نَماز کے بعد دُعائیہ انداز میں فرمایا : کیا ہی اچھا ہو کہ یہاں سُنّیوں کا ایک مدرسہ اور ایک مسجد ہو تاکہ یہ جگہ آباد ہو جائے۔الحمد للہ!اب یہ جگہ آباد ہے اور یہاں عاشقانِ رسول کا ایک مدرسہ اور  شاندار مسجد تعمیر ہو چکی ہے۔ ^{( [2] )}