درخواست پیش کی ، میری بار بار عرض پر ایک مرتبہ پِھر کرم ہوا ، میرے مدنی آقا ، پیارے مصطفےٰ ، احمد مجتبیٰ صَلَّی اللہ عَلَیْہِ وَ آلِہٖ وَ سَلَّم نے ایک بار پِھر اپنے دِیدار کا جام عطا فرما دیا۔ اس بار بھی میرے مُنہ سے بےاختیار نکلا : سُبْحٰنَ اللہ!

سُبْحٰنَ اللہ! مَا اَجْمَلَکَ ، مَا اَحْسَنَکَ مَا اَکْمَلَکَ

کتھے مہر علی ، کتھے تیری ثنا ، مشتاق اکھیاں ، کتھے جا اڑیاں

وضاحت : اللہ پاک کی شان !یَا رسُولَ اللہ صَلَّی اللہ عَلیہ وَآلہٖ و َسَلَّم آپ کتنے حسین وجمیل اورباکمال ہیں۔”مہر علی“ کی کیا مجال کہ  آپ کی شان بیان کر سکے ، کہاں یہ آنکھیں اور کہاں وہ رُخِ زیبا۔

حُضُور مُحَدِّثِ اعظم پاکستان رَحمۃُ اللہ علیہ پر اللہ پاک کی کروڑوں رحمتیں برسیں ، کاش! اُن کے صدقے ہمیں بھی اپنے مدنی آقا ، جان سے پیارے آقا ، دو عالَم کے داتا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کے دِیدار کا جام نصیب ہو جائے۔

جلوۂ یار اِدھر بھی کوئی پَھیرا تَیرا                                                         حسرتیں آٹھ پَہر تکتی ہیں رَستہ تیرا

اور کسی عاشِق نے عرض کیا :

دِیدار کے قابِل تو نہیں چشمِ تمنّا                                                                لیکن وہ کبھی خواب میں آئیں تو عجب کیا

صَلُّوْا عَلَی الْحَبِیْب!                                               صَلَّی اللہ عَلٰی مُحَمَّد

مُحَدِّثِ اَعْظم پاکستان  رَحمۃُاللہ علیہ کا مختصر تعارُف

پیارے اسلامی بھائیو!سچّے عاشِقِ رسول ، ولئ کامِل حُضُورِ مُحَدِّثِ اَعْظم پاکستان  رَحمۃُاللہ علیہ کا نامِ پاک : محمد سردار احمد اور کنیت : ابو الفضل ہے۔آپ 29 جُمَادَیُ الْاُخْریٰ ، 1321 ہجری کو قصبہ دِیال گڑھ ، ضلع گُوردَاس پُور  ( مشرقی پنجاب ، ہند )  میں پیدا ہوئے۔ ^{( [1] )} آپ   رَحمۃُاللہ علیہ