Book Name:Behtreen Khatakar Kon
ڪِتابُ التَّوابِين صفحو 81 تي لکيل آهي: هڪ اسرائيلي شخص کان گناھ ٿي ويو اهو تمام شرمنده ٿيو ۽ بي قرار ٿي ڪري هيڏانهن کان هوڏانهن ڀڄڻ لڳو ته ڪهڙي طرح ان جو گناھ معاف ٿي وڃي ۽ الله پاڪ ان کان راضي ٿي وڃي. الله پاڪ جي رحمت ڀري بارگاھ ۾ ان جي بي قراري واري ندامت قبول ٿي وئي ۽ الله پاڪ ان کي ولايت جي اعلٰي ترين رتبي صدِّيقِيّت سان نوازي ڇڏيو.[1]
پيارا اسلامي ڀائرو! اسان گنھگار ماڻهو آهيون، اسان کان گناھ ٿي ئي ويندا آهن، بَس اسان کي گهرجي ته توبھ ڪندا رهون. الله پاڪ فرمائي ٿو:
فَاِنَّہٗ کَانَ لِلۡاَوَّابِیۡنَ غَفُوۡرًا (۲۵) (سيپارو: 15، بني اسرائيل: 25)
ترجمو ڪنزالعرفان: ته بيشڪ اهو توبھ ڪندڙن کي بخشڻ وارو آهي.
تمام وڏي مرتبي وارا تابعي بزرگ حضرت سعيد بن مُسيّب رَحْمَةُ اللهِ عَلَيْه فرمائن ٿا: هن آيت ۾ اَوّاب مان مُراد اهو شخص آهي جنهن کان گناھ ٿئي ۽ پوءِ توبھ ڪري وٺي، وري گناھ ٿئي، وري توبھ ڪري وٺي،[2]
حضرت محمد بن مُطَرِّف رَحْمَةُ اللهِ عَلَيْه فرمائن ٿا: الله پاڪ ملائڪن کي فرمائيندو آهي: ابنِ آدم به ڪهڙو آهي...!! گناھ ڪندو آهي، وري مون کان معافي گهرندو آهي، مان وري ان کي معاف ڪري ڇڏيندو آهيان، وري گناھ ڪندو آهي، وري