چھوڑ دیا جائے۔ ^{( [1] )}

اللہ اکبر ! پیارے اسلامی بھائیو ! اندازہ کیجئے ! ہمارے اَسْلاف کو پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کے فرامین پر عَمَل کا کیسا جذبہ تھا ، آہ ! آج ہم شرم کے مارے کتنی نیکیوں سے محروم رہ جاتے ہیں اور نہ جانے کیسے کیسے گُنَاہوں کا بار   سَر پر ڈال لیتے ہیں۔ اللہ پاک ہمیں اسراف سے سمیت سب گُنَاہوں سے محفوظ فرمائے۔

 اٰمِیْن بِجَاہِ  خَاتَمِ النَّبِیّٖن  صَلَّی اللہ عَلَیْہِ وَ آلِہٖ وَ سَلَّم ۔

کب گُنَاہوں سے کنارا میں کروں گا یارَبّ ! نیک کب اے مرے اللہ ! بنوں گا یارَبّ !

کب گُنَاہوں کے مرض سے میں شفا پاؤں گا         کب میں بیمار مدینے کا بنو گا یارَبّ !

گر تُو ناراض ہوا میری ہلاکت ہو گی                                             ہائے میں نارِ جہنّم میں جلوں گا یارَبّ !

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

 ( 2 ) : اولاد کم عقلی سے محفوظ

پیارے اسلامی بھائیو ! اِسْراف سے بچنے کی کیسی کیسی برکتیں ہیں ، سنیئے ! اللہ پاک کے آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم نے فرمایا : جو شخص دسترخوان سے کھانے کے گرے ہوئے ٹکڑوں کو اٹھا کر کھائے وہ فَرَاخِی کی زندگی گزارتا ہے اور اس کی اولاد اور اولاد کی اولاد کم عقلی سے مَحْفُوظ رہتی ہے۔ ^{( [2] )}

سُبْحٰنَ اللہ ! فراخِی کی زندگی چاہئے ، تنگدستی سے نجات چاہئے ، چاہتے ہیں آپ خود ،