بےسبب اے خُدا ! کر دے بخشش                                      حشر میں مجھ سے کرنا نہ پُرسش

نام غفّار مولیٰ ! ترا ہے                                                                                                        یاخُدا ! تجھ سے میری دُعا ہے

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

رمضان اور اِسْراف

پیارے اسلامی بھائیو ! رمضان ُالْمُبارک کا مہینا جاری ہے * یہ ماہِ عبادت و ریاضت بھی ہے * ماہِ ذِکْر و تِلاوت بھی ہے * ایک اَہَم بات کہ ماہِ رمضان ماہِ قناعت بھی ہے * عام دِنوں میں عموماً لوگ 3 وقت کھاتے ہیں مگر رمضانُ الْمُبارک میں 2 وقت کھایا جاتا ہے * عام دِنوں میں دِن کے وقت بھی چائے ، بسکٹ وغیرہ کچھ نہ کچھ کھانا پینا چلتا رہتا ہے مگر رمضانُ الْمُبارک میں ان اخراجات کی کافِی حد تک بچت ہو جاتی ہے۔غرض؛اگر ہم رمضان ُ الْمُبارک کے فضائِل و فوائد کو دیکھیں تو یہ مبارک مہینا ماہِ قناعت بھی ہے مگر افسوس ! اب حالات اُلٹ ہیں ، آج کل عام دیکھنے کو ملتا ہے کہ اس مبارک مہینے میں قناعت کی بجائے فضول خرچی بڑھ جاتی ہے ، اِسْراف میں کئی گُنا اِضَافہ ہو جاتا ہے ، کھانا ، پھل ، پانی ، شربت وغیرہ کَثْرت سے ضائع ہوتے ہیں اور انہیں مَعَاذَ اللہ ! کچرا کونڈیوں کی نذر کر دیا جاتا ہے۔

اِسْراف گُنَاہ ہے

یاد رکھئے ! اِسْراف  ( یعنی چیزیں ضائع کرنا ، بےجا خرچ کرنا )  گُنَاہ و حرام اور جہنّم میں لے جانے والا کام ہے۔ اللہ پاک قرآنِ کریم میں فرماتا ہے :

كُلُوْا وَ اشْرَبُوْا وَ لَا تُسْرِفُوْا ۚ-اِنَّهٗ لَا یُحِبُّ الْمُسْرِفِیْنَ۠(۳۱)   ( پارہ : 8 ، سورۂ اعراف : 31 )

ترجمہ کَنْزُ الایمان : کھاؤ اور پیو  اور حد سے نہ بڑھو