مشورہ دے دیتا ہے  اور لوگ شرعِی راہنمائی کے بغیر ہی وہ کام شروع کر دیتے ہیں ، بعض دفعہ سالہا سال بعد پتا چلتا ہے کہ یہ کام تو ناجائِز تھا ، پھِر اس پر اتنی رقم اِنوَیْسٹ   ( Invast )  کی ، اس کا کیا بنے گا ، بعض دفعہ اِزالے کی صُورتیں بنتی ہیں ، بعض اَوْقات جن سے رقم لی ہو ، انہیں واپس لوٹانی پڑتی ہے ، غرض؛ بہت ساری صُورتیں ہوتی ہیں ، جن پر عَمَل کرنا ، اِزالے کرنا بعد میں دُشوار ہو جاتا ہے ، لہٰذا کوئی بھی کاروبار شروع کرنا ہے ، اگر اس کے متعلق 100٪ یقین کے ساتھ شرعِی معلومات نہیں ہیں تو پہلے معلومات لے لیجئے ! * اسی طرح بہت ساری رسمیں ہمارے ہاں رائِج ہوتی ہیں ، ان میں کچھ رسمیں جائِز ہوتی ہیں اور بہت ساری ناجائِز بھی ہوتی ہیں ، اس معاملے میں شرعِی راہنمائی لیتے رہیں ، غرض؛  کوئی بھی کام کرنا ہو ، اپنی عادَت بنائیں کہ شرعِی راہنمائی کے بغیر وہ کام نہیں کرنا۔  اس کے لئے اگر ہم دار الافتاء اہلسنت یا کسی بھی عاشقِ رسول ماہِر مفتی صاحب کا نمبر اپنے پاس محفوظ کر لیں تو اِنْ شَآءَ اللہ الْکَرِیْم ! آسانی ہو جائے گی۔

 ( 2 ) : اِخْلاص

نیک لوگوں کی ایک مبارک عادت یہ ہے کہ یہ بلند رُتبہ لوگ ہر کام میں اللہ پاک کی رِضا کے طلب گار رہتے تھے ، ریاکاری سے بہت بچتے اور ہر نیک کام اِخْلاص کے ساتھ ہی کیا کرتے تھے۔انہیں اس بات کی کچھ پروا نہ ہوتی تھی کہ لوگ انہیں اچھا سمجھیں گے یا بُرا ، ان کا مقصد صِرْف و صِرْف اللہ پاک کی رِضا کا حُصُول ہوتا تھا۔

غیر مسلم کلمہ پڑھ کر مسلمان ہو گیا

مسلمانوں کے چوتھے خلیفہ حضرت علی المرتضیٰ ، شیرِ خُدا رَضِیَ اللہ عنہ کا واقعہ بڑا مشہور