اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                        وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف                                    ( ترجمہ : میں نے سُنَّت اعتکاف کی نِیَّت کی )

درودِ پاک کی فضیلت

حضرتِ ابو بکر شبلی بغدادی رَحمۃُ اللہ علیہ فرماتے ہیں : میں نے اپنے مرحوم پڑوسی کو خواب میں دیکھ کر پوچھا : مَا فَعَلَ اللہ بِکَ ؟ اللہ پاک نے آپ کے ساتھ کیا مُعَامَلہ فرمایا ؟  وہ بولا : میں سخت ہولناکیوں سے دو چار ہوا ، منکر نکیر کے سوالات کے جوابات بھی مجھ سے نہیں بن پڑ رہے تھے ، میں نے دل میں خیال کیا کہ مجھ پر یہ مصیبت کیوں آئی ہے ؟  کیا میرا خاتمہ ایمان پر نہیں ہوا ؟ اتنے میں آواز آئی : دنیا میں زبان کے غیر ضروری اِسْتِعمال کی وجہ سے تجھے یہ سزا دی جا رہی ہے۔اب عذاب کے فِرِشتے میری طرف بڑھے۔ اتنے میں ایک صاحِب جو حَسِیْن اور خوبصُورت تھے وہ میرے اور عذاب کے درمیان آگئے ، انہوں نے مجھے سوالات کے جواب یاد دِلا دئیے۔ میں نے ان سے عرض کیا : اللہ پاک آپ پر رَحْم فرمائے ، آپ کون ہیں ؟  فرمایا : تیرے کثرت کے  ساتھ دُرُوْد شریف پڑھنے کی برکت سے میں پیدا ہوا ہوں اور مجھے ہر مصیبت کے وَقْت تیری اِمداد پر مُقرَّرکیا گیا ہے۔ ^{( [1] )}

اُن پر دُرود جن کو کَسِ بے کَساں کہیں                                  اُن پر سَلام جن کو خَبَر بے خَبَر کی ہے ^{( [2] )}

وضاحت : وہ پیارے آقا ، مکی مدنی مصطفےٰ  صَلَّی اللہ عَلَیْہِ وَ آلِہٖ وَ سَلَّم جن کو بےسہاروں کا سہارا کہا جاتا ہے ، جو ہر