بےخبر کی خبر رکھنے والے ہیں ، ان پر دَرُود اَور سلام ہوں۔ 

صَلُّوا عَلَی الْحَبیب !                                                صَلَّی اللہ عَلٰی مُحَمَّد

بیان سننے کی نیتیں

حدیثِ پاک میں ہے : اَفْضَلُ الْعَمَلِ اَلنِّيَّةُ الصَّادِقَةُ سچی نیت  اَفْضَل تَرین عَمَل ہے۔ ^{( [1] )}

اے عاشقانِ رسول ! اچھی اچھی نیتوں سے عمل کا ثواب بڑھ جاتا ہے۔ آئیے ! بیان سننے سے پہلے کچھ اچھی اچھی نیتیں کر لیتے ہیں ، مثلاً نیت کیجئے ! * رضائے الٰہی کے لئے بیان سُنوں گا * بااَدَب بیٹھوں گا * خوب تَوَجُّہ سے بیان سُنوں گا * جو سنوں گا ، اسے یاد رکھنے ، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبیب !                                                صَلَّی اللہ عَلٰی مُحَمَّد

صحابہ  کرام کی ایک خُوبصُورت تمنّا

حضرت نجاشی رَحمۃُ اللہ علیہ جو حبشہ کے بادشاہ تھے اور انہوں نے پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی ظاہِری زندگی ہی میں کلمہ پڑھنے کی سعادت حاصِل کی ، یہ خُود تو کسی سبب سے بارگاہِ رسالت میں حاضِر نہ ہو پائے ، البتہ ایک مرتبہ انہوں نے پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی خِدْمت میں 70 افراد پر مشتمل ایک وَفْد بھیجا ، یہ لوگ جب بارگاہِ رسالت میں حاضِر ہوئے تو اللہ پاک کے آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم نے ان کے سامنے سورۂ یٰسین شریف کی تِلاوت فرمائی۔انہوں نے جب زبانِ مصطفےٰ  ( صَلَّی اللہ عَلَیْہِ وَ آلِہٖ وَ سَلَّم )  سے رَبُّ الْعٰلَمِین کا کلام سُنا تو  وہ زار و قطار رونے لگے۔ ایسی پُرسوز تِلاوت اور پُر تاثِیر کلام سُن کر ان کے سینے روشن ہو گئے اور یہ سب کے سب کلمہ